Taliska Ciidanka XDS oo dedaal ugu jira sidii ay u soo furan lahaayeen Odayaal ay Af-duubteen Al-Shabaab

68

Taliska Ciidanka Xoogga Dalka Soomaaliyeed iyo wax-garadka kasoo jeeda Galmudug ayaa dedaallo xooggan ugu jira sidii ay xorriyaddooda u heli lahaayeen ku dhawaad 70 Qof oo u badan Odayaal, kuwaas oo ay Al-Shabaab maalmo ka hor ka Af-duubteen degaanka Gal-qoryaale oo ka tirsan Gobolka Galgaduud.

 

Taliyaha howl-gallada qaybta 21aad, ee Ciidamada Xoogga Dalka Soomaaliyeed Gaashaanle Dhexe Cabdiqaadir Maxamed Cartan, ayaa Warbaahinta Qaranka u sheegay in ay socdaan qorshayaal la doonayo in maleeshiyaadka Al-Shabaab gacantooda looga soo saaro Dadka ay ka qafaasheen Gal-qoryaale.

3-dii Bishan ayay ahayd markii ay Kooxda Al-Shabaab 69 Qof oo u badan Odayaal ka qafaasheen Gal-qoryaale, iyadoo aan illaa iyo haatan la garanayn halka ay u kaxaysteen Dadkan iyo goobta ay ku hayaan.

Kooxda Nabad diidka ah ee Al-Shabaab ayaa caan ku ah dhac, dil, boob, cabburin, Af-duub iyo banneysashada Xoolaha Ummadda, taasoo ay u dheer tahay in ay qasab ku Askareeyaan carruurta aan qaan-gaarin.

Did you like this? Share it:

LEAVE A REPLY

Please enter your comment!
Please enter your name here