Taliska Nabadgelyada Waddooyinka oo ka hadlay shilalka ku soo batay Muqdisho

600

Taliska ciidanka Nabadgelyada Waddooyinka ee Taraafiko ayaa digniin ka soo saaray dadka sida sharci darrada ah u wada gawaarida ee aan heysan ruqsadda gaari wadista, iyagoo dhanka kale sheegay in magaalada ay ku soo badatay shilalka gawaarida.

Taliyaha ciidanka Nabadgelyada Waddooyinka ee Taraafiko Gaashaanle Sare Cali Maxamed Cali oo maanta Warbaahinta Qaranka la hadlay ayaa sheegay in tallaabo laga qaadi doono ciddii lagu arka, iyada oo wadata warqadaha baabuur wadista oo been abuur ah, isla markaana aan la ogolaan doonin in cid aan heysan warqadda baabuur wadista ay magaalada gawaari ku dhex wadato.

Taliyaha ayaa sheegay in maalmahan dambe ay magaalada ku soo badatay shilalka, isagoo faah faahin ka bixiyay shilalka ka dhacay Muqdisho, waxaana uu dolwadda ka codsaday in la sameeyo goobo dadka lagu tijaabiyo.

Ciidanka ilaalada Waddooyinka ee taraafiko ayaa ku howlan sidii loo ilaalin lahaa sharciga waddooyinka, isla markaana looga hortagi lahaa dadka sida sharci darrada ah u wadaya gawaarida.

 

 

Did you like this? Share it:

LEAVE A REPLY

Please enter your comment!
Please enter your name here