Taliyaha booliiska oo tababar u furey saraakiil+Sawirro

Tababarkan uu maanta taliyaha ciidanka booliska Soomaaliyeed  u furay 40 ka tirsan saraakiisha ciidanka booliska, gaar ahan taliyeyaasha saldhigyada booliska ee gobolka Benaadir ayaa socon doono muddo 30 cisho ah, waxaana uu yahay mid sare loogu qaadayo aqoontooda, iyadoo saraakiisha lagu soo xulay imtixaan uu ka qaaday taliyaha ciidanka booliska.

Qaar ka mid ah saraakiishan tababbarka loo furay oo la hadlay Warbaahinta qaranka ayaa sheegay in waxyaabaha ay aqoon isweydaarsigan ka kororsadaan ay ugu adeegi doonaan bulshada Soomaaliyeed, iyagoo xusay inay ku faraxsanyihiin tababbarka maanta loo furay.

Sareeyo gaas, Maxamed Sheekh Xasan Xaamud, taliyaha ciidanka booliska Soomaaliyeed oo furay tababbarka ayaa saraakiisha kula dar daarmay inay waqtiga ilaaliyaan oo ay ka faa’iideystaan tababbarka la siinayo, loona baahanyahay in waxyaabaha ay bartaan ay ku dabaqaan howlaha ay bulshada u hayaan.

Tababarada nuucaani oo kale ah ee loo qabanayo saraakiisha ciidanka booliska ayaa ah mid lagu tayaynayo aqoonta ciidamada booliska.

1 3 4 5 6 7 8 9 BH0A3177 BH0A3179 BH0A3202

LEAVE A REPLY

Please enter your comment!
Please enter your name here