Taliyaha Booliska Cabudwaaq oo La dilay

Nin hubeysan ayaa shalay gelinkii dambe toogasho ku dilay taliyaha booliska degmada Cabduwaaq ee gobolka Galguduud Faarax Warsame Cimi.

Wararka laga helayo degmada Cabduwaaq ayaaa sheegaya in qofka dilka gaystay u xafiiskiisa ugu galay taliyaha isla markaana uu toogtay. Sidoo kale ninkii wax dilay oo meyd ah ayaa laga helay isla xafiiska taliyaha sida ay xaqiijiyeen goob-joogayaashu.

Saraakiisha ciidanka ayaa wada baaritaanno lagu ogaanayo in ninka dilay taliyaha uu is dilay isaguna ama in ay toogteen ilaalada xafiisku.

Wariyaha Radio Muqdisho ee Cabudwaaq, Cabdikariim Axmed Bulxan ayaa ku soo warramaya in baaritaanku uu wali socdo, isla markaana aanan wali la cadeyn in qofka wax dilay uu adeegsaday hub uu xafiiska ka helay iyo in isagoo hubeysan uu soo galay goobta.

LEAVE A REPLY

Please enter your comment!
Please enter your name here