Taliyaha Ciidamada Qeybta 21aad oo talis mideysan u sameeyay ciidmada Amniga degmada Caabudwaaq “SAWIRRO”

1935

Munaasabad lagu mideenayay ciidmadda Xasilinta Waqooyiga Gobalka Galgaduud ee kala ah Booliska, Nabad Sugidda iyo Militariga ayaa lagu qabtay sandhiga degmada Caabudwaaq, waxaana loo sameeyay Hal talis oo leh Taliye iyo Taliye kuxigeen.

 

Masuuliyiinta ka soo qaybgashay ee goob jooga u ahaa munaasabaddaan lagu mideynayay Ciidamadaan, waxaa kamid ahaa Maamulka degmadda Caabudwaaq, Taliyaha Ciidamada Qeybta 21aad, Guddiga Xasilinta, Odoyaasha dhaqanka iyo xubno ka socday qaybaha kala duwan ee Bulshada

Guddoomiyaha Degmadda Caabudwaaq Mahad Cumar Cilmi oo isku darka ciidamada ka hadlay ayaa ku booriyay inay si wada jir ah uga qeyb qaataan xasilinta amniga.

Axmed Caafi iyo Saacid Ashkir Dhudub oo kamid ah Guddiga xasilinta degmadda Caabudwaaq ayaa sheegay in Mideynta Ciidamada Amniga degmada looga gonleeyahay in lagu xoojiyo Amniga iyo Nabadda hadda ka jirta degmada Caabudwaaq.

Xildhibaan Bile Salaad Diini oo kamid ah Xildhibaanada Galmudug, Taliyaha Saldhigga degmadda Caabudwaaq Maxamuud Maxamed Cadde iyo Ugaas Axmed Barre Taakooy ayaa sheegay in mideynta ciidamadaan ay xoojin doonto nabad galyadda degmada, waxaana ay ciidamada kula dar daarmeen in ay iyaguna ilaaliyaan Sharciga.

Taliyaha Ciidamadda Qeybta 21aad Cabdulaahi Aadan Xuseen “Cirro” oo dar daaran dheer ujeediyay ciidamadaan ayaa sheegay in Taliyaha Ciidamada Xasilinta loo magacaabay Dhame Maxamed Yuusuf Axmed Barre, kana tirsan Ciidamada militariga, Halka kuxigeenkiisana loo magacaabay  Axmed Macalin Cabdullaahi kana tirsan Ciidanka Nabad Sugidda.

 

 

Cabdikariin Axmed Bulxan

Caabudwaaq

Did you like this? Share it:

LEAVE A REPLY

Please enter your comment!
Please enter your name here