Taliyaha Ciidanka Asluubta iyo wasiirka Cadaaladda oo si wadajir ah u furay  Aqoon korarsi ku saabsan ka hortaga fikirka xagjirka

Munaasabad kooban oo lagu dahfurayay siminaar ku saabsan  wacyigalinta ka hortaga fikirka xagjirka ah ayaa loo furay qaar ka mid ah sarakiisha iyo ciidamo ka tirsan Asluubta ee ka howlgal xabsiga dhaxe ee xamar.

Madasha ayaa waxaa ku sugnaa wasiirka Awqaafta iyo Arrimaha Diinta Xukuumadda Fedaraalka Soomaaliya, Taliye ku xigeenka Ciidanka Asluubta iyo qaar ka mid ah culumaa’udiinta bixindoonta  Wacyigalintan oo socondoonta mudo sadex cisho ah.

Taliyaha Ciidanka Asluubta Soomaaliyeed Gen. Mahad Cabdiraxmaan Aadan, ayaa kula dardaarmay Ciidanka in ay ka faa’ideestaan aqoonta ay bixin doonan Culimadan ka socota wasaaradda diinta Awqaafta.

Wasiirka Awqaafta iyo Arrimaha Diinta Xukuumadda Fedaraalka Soomaaliya Cumar Cali Rooble, ayaa tilmaamay in cashirada la bixin doona ay yihiin kuwa looga hortagayo fikirka qaldan ee xagjirka si maxaabista looga wacyigaliyo.

Wasiirka Cadaaladda Xukuumadda Fedaraalka Soomaaliya, Cabdulqaadir Maxamed Nuur Jaamac, ayaa sheegay in markasta ay xooga sarayaan sare u qaadista Aqoonta Ciidanka Asluubta lanajoogteendoono.

LEAVE A REPLY

Please enter your comment!
Please enter your name here