Taliyaha ciidanka Booliiska iyo Duqa Muqdisho oo dhagax dhigay saldhig Booliis

5398

Taliyaha Ciidanka Boliiska Soomaaliyeed iyo Duqa Magaalada Muqdisho ayaa maanta si wada jir ah u dhagax dhigay saldhig cusub oo uu yeelanaayo degmada Waberi ee gobolka Banaadir.

Dhismaha Saldhiggaan cusub ayaa waxaa laga hirgaliyay agagaarka garoonka diyaaradaha Aadan Cadde ee magaalada Muqdisho, waxaana la sheegay in dhismihiisa uu fududeyay maamulka gobolka Banaadir.

Gudoomiyaha gobolka Banadir ahna duqa magaalada Muqdisho, mudane Yusuf Xuseen Jimcaale “Madaale” oo ka warbixiyay dhismaha saldhigga cusub ee degmada Waberi ayaa sheegay in dhismaha saldhiga laga fuliyay mashruuca dalkaada dhiso oo ah mashruuc uu maamulka gobolka ugu talo galay horumarinta caasimadda Soomaaliyeed ee Muqdisho.

“Hirgalinta Saldhigaan cusub waxaa fududeeyay mashruuca dalkaada dhiso oo ah mashruuc uu maamulka gobolka ugu talo galay horumarinta gobolka Banadir, waxaana bulshada Soomaaliyeed ugu baaqeynaa in ay laba laabaan ka qeyb qaadashada mashruuca dalkaada dhiso oo haatanba muuqato miro dhalkiisa” ayuu yiri, gudoomiyaha gob Gudoomiyaha gobolka Banadir ahna duqa magaalada Muqdisho, mudane Yusuf Xuseen Jimcaale “Madaale”.

Taliya Ciidamda Boliiska Soomaaliyeed, Sareeyo Gaas Maxamed Sheekh Xasan Xaamud ayaa dhankiisa tilmaamay in dhisamaha saldhigga cusub ee degmada Waaberi uu waxbadan ka badali doono amniga degmada iyo kan gobolka Banaadir, waxa uuna bogaadiyay dadaalka maamulka gobolka Banaadir ee la xiriira dhinaca horumarka iyo amniga.

“Saldhigga Cusub ee maanta la dhagax dhigay waxa uu qeyb weyn ka qadaan doonaa dadaallada nadabeed ee gobolka Banaadir, sidaa daraadeed waxaan shacabka Soomaaliyeed ugu baaqeynaa in ay ka qeyb qaataan nabad galyada iyo la shaqeynta ciidamada amaanka” ayuu yiri, Taliya Ciidamda Boliiska Soomaaliyeed, Sareeyo Gaas Maxamed Sheekh Xasan Xaamud.

Saldhigga cusub ee degmada Waberi ayaa lagu wadaa in uu qeyb ka qaado amniga degmada Waaberi iyo kan gobolka Banaadir.

Did you like this? Share it:

LEAVE A REPLY

Please enter your comment!
Please enter your name here