Taliyaha ciidanka booliska iyo guddoomiyaha gobolka oo ka qeyb qaatay dhismaha Saldhig boolis “SAWIRRO”

Taliyaha ciidanka booliska Soomaaliyeed oo uu wehliyo Guddoomiyaha Gobolka  Banaadir iyo saraakiil kale oo ka tirsan ciidanka booliska ayaa maanta   hawlo  kormeer  ah ku tegay Saldhigga booliska ee Degmada  Xamar  Jabjab oo  dhismihiisa  uu ka socdo  halkaasi, isla markaana meel fiican maraya, waxaana howsha si wada jira ah uga qeyb qaadanayay saraakiisha ciidanka booliska iyo maamulka gobolka.

Guddoomiyaha Gobolka Banaadir ahna Duqa magaalada Muqdisho Yuusuf Xuseen Jimcaale  ayaa sheegay in ka maamul ahaan ay ka qaybqaadanayaan dhismaha saldhigga  Booliska  Xamar  Jabjab,  isagoo xusay inay ku kabayaan  dhismaha  saldhigga  lacag dhan tobon kun oo doolar,  waxaana  uu raja wanaagsan ka muujiyay in lagu guulaysan doono qorshaha iskaa wax uqabso  ah ee lagu dhisayo saldhigga.

Taliyaha ciidanka booliska Soomaaliyeed Sareeyo Gaas Maxamad Sheekh Xasan Xaamud  ayaa ka sheekeeyay  sida  ay ku dhalatay  fikrada  dhismaha  saldhigaan iyo marxaladiihii uu soo  maray,  waxaana uu intaa ku daray qorshaha iskaa wax uqabso ee lagu dhisayo saldhigaan uu bilaw unoqonayo dib u dayactirka saldhigyada booliska ee gobolka banaadir.

“Runtii bishii November ayaan halkan dhagax dhignay oo aan bilownay in laga dhigo saldhig boolis, howshan waxaa lagu bilaabay lacag ay iska arruuriyeen ciidanka booliska iyo Maamulka degmada Xamar Jajab oo dhankooda wax ku kabay, marka waxaan ganacsatada ka codsaneynaa inay gacan ka geystaan dhismaha saldhigan, oo qeyb ka ah qorshaha dhiso dalkaaga Hooyo” ayuu yiri Taliyaha ciidanka Booliska.

Dhismahan saldhigan ayaa waxaa ka qeyb qaadanaya ciidanka booliska ee gobolka banaadir iyo ciidamo kale oo tababbar ugu xareysan dugsiga tababbarka ciidanka booliska ee Jeneraal Kaahiya, kuwaasi oo subax kasta marka ay tababbarka soo qaataan kaddib, ka qeyb qaata dhismaha saldhigga cusub ee uu yeelanayo maamulka degmada Xamar Jajab.

BH0A2721 BH0A2733 BH0A2734 BH0A2735 BH0A2737 BH0A2740 BH0A2741 BH0A2749 BH0A2753 BH0A2772 BH0A2773 BH0A2791 BH0A2793 BH0A2800 BH0A2815 BH0A2818 BH0A2829 BH0A2831 BH0A2832 BH0A2837 BH0A2841 BH0A2851 BH0A2852 BH0A2866 BH0A2869 BH0A2871

 

 

 

LEAVE A REPLY

Please enter your comment!
Please enter your name here