Taliyaha Ciidanka Booliska Soomaaliyeed oo la dardaarmay Saraakiishii dhawaan la dalacsiiyay”Sawirro”

0
859

Kulan Casha sharaf ah oo xalay lagu qabtay  xarunta Gaadiidka Booliska ee degmada C/casiis, gaar ahaan, Laanta Miina Baarista Booliska ee (MBB) ayaa ugu horayn lagu guddoonsiiyay Saraakiisha Laanta Miisa Baarista Booliska ee uu dhawaan dalacsiiyay Madaxweynaha Jamhuuriyadda Soomaaliya wareegtadoodii  ka soo baxday xafiiska Madaxweynaha, iyo faafintii rasmiga ahayd ee uu u Sameeyay taliyaha Ciidanka Booliska Soomaaliyeed.

Ugu horayn, waxaa kulanka Cashada ah ka hadlay taliyaha Laanta Miina Baarista Booliska Soomaaliyeed G/sare C/kariin Xuseen Macalin oo isagu ka mid ah Saraakiisha dalacday, waxa uuna u mahad celiyay taliyaha Ciidanka Booliska Soomaaliyeed oo marwalbaa u taagan horumarinta Ciidanka Booliska Soomaaliyeed.

Sidoo kale, taliye ku xigeenka Ciidanka Booliska Soomaaliyeed S/guuto Bashiir Cabdi Maxamed oo goobta ka hadlay ayaa aad u bogaadiyay Saraakiisha la dalacsiiyay, waxa uuna ku dhiirigaliyay in dadaalkooda ay sii laba jibaaraan.

Taliyaha Ciidanka Booliska Soomaaliyeed S/Gaas Maxamed Shiekh Xasan Xaamudd oo ugu dambayn kulanka ka hadlay ayaa kula dardaarmay Saraakiisha la dalacsiiyay in ay wax kastaa ka hormariyaan shaqada Qaranka, islamarkaana ay hormuud u noqdaan Dhiigga Cusub ee Ciidanka Booliska Soomaaliyeed si dalka loo gaarsiiyo nabad iyo daganaasho.

Madaxweynaha Jamhuuriyadda Soomaaliya Mudane Xasan Shiekh Maxamuud ayaa 25/11/2015 kaga dhawaaqay xafladd lagu soo bandhigayay waxqabadka Laanta Miina Baarista Booliska Soomaaliyeed dalacaadda dhamaan Ciidanka Miina Baarista Booliska Soomaaliyeed, kadib markii uu madaxweynuhu la dhacay dadaalka gaar ahaaneed ee ka muuqda Laanta Miina Baarista Booliska iyo juhdiga uu galiyay taliyaha Ciidanka Booliska Soomaaliyeed.

20160101_191642

 

 

 

20160101_19331320160101_193411  20160101_193652

20160101_193313

 

Did you like this? Share it:

LEAVE A REPLY

Please enter your comment!
Please enter your name here