Taliyaha ciidanka XD ee 12-ka April oo xusay in ciidanku ay u taaganyihiin difaacidda Qaranka

Taliyaha qeybta 12-ka April ee ciidanka xoogda dalka Soomaaliyeed iyo saraakiil kale ayaa kormeerey saldhigyada ciidanka xoogga ay ku leeyihiin deegaanka Raaga Ceelle oo ka tirsan gobolka Shabeelaha Dhexe, halkaasi oo dhawaan ay maleeshiyaad ka tirsan Al-Shabaab weerar ku soo qaadeen.

Jenaraal Maxamed Maxamuud Saneey oo la hadlay Radio Muqdisho ayaa tilmaamay in deegaanka ay u adeen howlo shaqo oo uu ugu kuurgalayay xaalada guud ee deegaanka Raage Ceelle, waxaana uu bogaadin u jeediyay ciidanka xoogga dalka sida ay isaga caabiyeen weerarkii dhawaan lagu soo qaaday deegaanka Raage Ceelle.

“Runtii waxaan bogaadinayaa guulaha ay ciidamada xoogga dalka ka so hooyeen weerarkii dhawaan maleeshiyaadka Al-Shabaab ku soo qaadeen deegaanka Raaga Ceelle, qasaar xoogan ayaa loo geystay 21 ayaa lagaga dilay kooxda Shabaab ee weerarka soo qaaday, dhankeena afar ayaa dhimatay shankalena dhaawac ayaa soo gaartay, in uu Alle bogsiiyo ayaan u rajeynayaa” ayuu yirii Taliyaha 12-ka April

Taliyaha ayaa xusay in ciidanka xoogga dalka ay markasta ka go’antahay xaqiijinta amniga deegaannada ay ku suganyihiin iyo difaacidda Qaranka Soomaaliyeed, waxaana uu shacabka ka codsaday inay xoojiyaan la shaqeynta ciidamada, si looga hortagi dhagarta ay maleegayaan kooxda Shabaab.

 

LEAVE A REPLY

Please enter your comment!
Please enter your name here