Taliyaha ciidanka xoogga dalka oo sheegay in Shabaab laga xoreyn doono guud ahaan dalka

0
1216

Taliska ciidanka xoogga iyo Hogaanka AMISOM  ayaa sheegay in sanadka 2016 guud ahaan dalka oo dhan laga xureyn doono Maleeshiyada Al-Shabaab

Taliyaha ciidanka xoogga dalka Soomaaliyeed Sareeyo Gaas Maxamed Aadan Axmed oo maanta xafiiskiisa ku qaabilay taliyaha ciidanka AMISOM iyo saraakiil kale ayaa ka wada hadlay dar dargelinta howlgallada ka dhanka ah Al-shabaab iyo sidii loo xoojin lahaa wada shaqeynta ka dhexeysa labada dhinac.

Kulanka oo ay goob joog ka ahaayeen abaanduulaha ciidanka xoogga dalka iyo saraakiil kale oo ka tirsan cidiamada xoogga iyo kuwa AMISOM, ayaa diiradda lagu saaray in markale dib loo bilaabo howlgallada dib gacanta dowladda loogu soo celinayo deegaannada fara ku tiriska ah ee ay kaga suganyihiin gobollada dalka.

Taliyaha ciidanka AMISIOM Jeneraal Jonathan Rono ayaa sheegay in kulanka uu ahaa mid ay ku kala warqaadanayeen labada dhinac, isla markaana loo xoojin lahaa wada shaqeynta ka dhaxeyso ciidamda si guud ahaan dalka looga cirib tiro Al-Shabaab.

Taliyaha ciidanka xoogga dalka Sareeyo Gaas Maxamed Aadan Axmed oo isna la hadlay Warbaahinta ayaa sheegay in taliska AMISOM uu gacan ka geysan doono sidii guud ahaan amniga dalka ay ula wareegi lahaayeen ciidanka xoogga dalka, isla markaana la furi doono xafiis ay ku kala warqaataan labada ciidan.

“Waxaa noo qorsheysan in aan furno xafiisyo aan ku kala warqaadano, sidoo kale waxaan isla garanay in aan xoojino wada shaqeynta naga dhexeyso, anaga iyo ciidanka AMISOM” ayuu yiri Sareeyo Gaas Maxamed Aadan Axmed.

 

Did you like this? Share it:

LEAVE A REPLY

Please enter your comment!
Please enter your name here