Taliyaha Ciidanka Xoogga iyo Abaandullaha oo Ciidamada Booliska ugu Hambalyeeyay Sanadguurada  75aad

Taliyaha Ciidanka Xoogga Dalka Soomaaliya Sareeyo Gaas Daahir Aadan Cilmi Indhaqarshe ayaa ciidamada Booliska Soomaaliya ugu Hambalyeeyay Munaasabada Sanad guurada 75aad ee aas aaska Ciidanka Booliska oo ku beegan maalinta berito ah.

 

War qoraal ah oo ka soo baxay Xafiiska Taliyaha ciidanka xoogga dalka ayaa looga hadlay xuska 75 guurada ka soo wareegtay markii la aas aasay ciidamada booliska Soomaaliyeed.

“Anigoo ku hadlayo Magaceyga iyo kan Ciidanka Xoogga Dalka Waxaan Hambalyo  u diraa Ciidamada Booliska Soomaaliyeed oo Maalinta beri ah u dabaal dagaya Sanad guurrada 75 aad, Sareeyeyaasha , Saraakiisha, Saraakiil xigeennada, dableyda, Alifleyda Ciidanka Ciidanka Booliska Soomaaliyeed  iyo dhammaan Ummadda Soomaaliyeed Munaasabadda Sanadguurada 75aad ee Ciidanka Booliska Soomaaliyeed a ” ayuu yiri Sarreeye Gaas Daahir Aadan Cilmi Indhaqarshe

Jenaral Daahir Aadan Cilmi Indhaqarshe ayaa Ciidamada Booliska Soomaaliyeed ku amaanay doorka wanaagsan ay ugu qeyb qaadanayaan amniga guud ee Dalka

Dhanka Kale Abaandullaha Ciidanka Xoogga Dalka Soomaaliyeed Jeneraal Odowaa Yuusuf Raage ayaa isna Ciidamada Booliska Soomaaliyeed ugu Hambalyeeyay Sanadguurada 75aad ee ka soo wareegtay markii la aas aasay.

Jeneraal Odowaa Yuusuf Raage ayaa Yiri “Sanadguurada 75aad ee kasoo wareegtay markii la aas-aasay Ciidanka Booliska Soomaaliyeed awgeed, waxaan Hambalyo leeyahay, Sareeyeyaasha, Saraakiisha, Saraakiil xigeennada, Alifleyda dableyda Ciidanka Booliska Xaasaskooda iyo dhammaan Ummadda Soomaaliyeed inay horumar ku gaaraan sanadkan kiisa kale”.

 

 

LEAVE A REPLY

Please enter your comment!
Please enter your name here