Taliyaha cusub ee Howlgalka Midowga Yurub ee Soomaaliya oo xilka la wareegay

0
1401

Munaasabadaan oo aheyd mid balaaran ayna ka qeyb galeen Mas’uuliyiinbadan oo isugu jira Wasiiro iyo saraakiil ka socota Dowladda Federaalka ah Ee Soomaaliya iyo Diblumaasiyiinta Wadamada Caalamka u jooga Soomaaliya in badan oo ka mid ah ayaa waxaa lagu qabtay Xarunta Ciidamada Midawga Yurub Ee Soomaalyia oo ku taala garoonka diyaaradaha Aadan Cadde Ee magaalada Muqdisho waxaana ay aheyd mid uu Xilka kula wareegay Taliyaha Cusub Ee Howlgalka Midawga Yurub Ee Soomaaliya Genaraal Antonio Maggi

Wasiiru Dowlaha Wasaaradda Warfaafinta iyo Dalxiiska Xukuumada Soomaaliya Taliyaha Ciidanka Xoogga Dalka Soomaaliya ayaa ka mid ahaa Mas’uuliyiint Dowladda Soomaalia ka socday ee ka qeyb galay munaasbada dhanka caalamka waxaa ka mid ahaa Xubnaha uga qaybgalay Safiirka Midawga Yurub Ee Soomaaliya, u qaabilsanaha QM Ee Soomaaliya, Danjirayaasha wadamada Talyaaniga, France,Wakiilka Midawga Afrika Ee Soomaaliya iyo Xubno kale.

Xafladaas xil wareejinta aheyd ayaa waxaa dadkii ka hadlay ka mid ahaa Taliyihii Hore Ee Howlgalka Midawga Yurub Ee Soomaaliya Genaraal Marcimo Mangiardi oo mahad naq balaaran u jeediyay dhamaan dhinacyadii la soo sheeqeeyay mudadii uu xilkaas hayay waxaana uu Taliyaha Cusub u rajeeeyay in xaaladda adag ee Soomaaliya ku jirto uu wax badan ka qaban doono.

Safiirka Midawga Yurub Ee Soomaaliya Michel Cervone oo isna ka hadlay xaflada ayaa waxaa uu sheegay in Midawga Yurub ay ka Go’antahay in ay Soomaaliya taageero dhan walba ah la garab istaagaan isagoo intaa ku daray in bisha soo socota ay Soomaaliya imaaan doonaan Ciidamo dheeraad ah oo ka socda Midawga Yurub isla markaana si dhaw ula shaqeyn doonna Ciidanka Xooga Dalka Soomaaliyeed.

La taliyaha Madaxweynaha Jamhuuriyadda Federaalka Soomaaliya dhanka amniga Janaraal Cabdiraxmaan Sheekh Ciise ayaa sheegay in Dowladda Soomaaliya ay si diiran u soo dhaweyneyso Taliyaha Cusub ee Midawga yurub u soo Magacaabay Soomaaliya isla markaana ay ka rajeynayso waxqabad dhab ah.

Did you like this? Share it:

LEAVE A REPLY

Please enter your comment!
Please enter your name here