Taliyaha cusub saldhiga booliska deegaanka Garjiir oo xilka si rasmi ah ula wareegay “SAWIRRO:

Saldhiga  deegaanka Garijir oo ka mid ah Saldhigyada ugu muhiimsan ciidamada Federaalka ay ku leeyihiin Gobolka Hiiraan qaybna ka ah Degmada Matabaan ayaa haatan isbadal balaaran lagu sameeyay, waxaana la kordhiyay tirada ciidanka Booliiska ee ka howlgala, iyadoo loo magacaabay saraakiil cusub oo badala kuwii horay u shaqeynayay .

Taliyihii hore ee Saldhiga Garijir Labo Xidigle Maxamed Maxamuud Seeraar ayaa maanta xilka si rasmi ah ugu wareejiyay Taliyaha cusub ee Dhowaan loo magacaabay Saldhigan Labo Xidigle Cabdullaahi Aadan Cumar  waxaana munaasabadan goobjoog ka ahaa saraakiil sare oo ka tirsan Ciidamada Booliiska Soomaaliyeed , Saraakiil ka tirsan NISA iyo maamulka Deegaanka

Labada sarkaal ee xilalka kukala wareegay ayaa kula wada dardaarmay ciidamada sii wadista waajibka saaran iyo in ay sii laba jibaaraan shaqada, maadaama ay ka howlgalayaan deegaan muhiim u ah isku socodka labada dal ee Itoobiya iyo Soomaaliya .

Guddoomiyaha Garijir Cabdinuur Macalin Axmed ayaa u sheegay Taliska cusub in ay kala shaqeynayaan howlaha amniga  ee horay u socday

Gaashaanle Galad Maxamuud Qayliye oo ka tirsan saraakiisha Booliiska Soomaaliyeed iyo dhamme Cabdifitaax Maxamed Jaamac Fooneeye Taliyaha Saldhiga booliiska Matabaan ayaa ugu dambeyn dar daaran u jeediyay ciidamada iyo saraakiisha halkaas ka howlgala .

Garijir ayaa xuduud beenaadka Itoobiya iyo Soomaaliya u jirta in ku dhow 40km, waxaana mara gaadiidka ganacsi ee isaga gudba labada dal xili dhamaan ciidamada ku sugan xuduudaha lafaray in ay muujiyaan foojignaan lagu ilaalinayo faafida cudurka COVID19 .

 

Nuur Cadde

LEAVE A REPLY

Please enter your comment!
Please enter your name here