Taliye Indho Qarshe oo sheegay in Ciidanka Xoogga ay ku guuleysteen inay deegaano badan ka xoreeyaan Al-Shabaab.

Taliyaha Ciidanka Xoogga Dalka ee xilka ka sii dagayo Sareeye Guud Daahir Aadan Cilmi ( Indho Qarshe) ayaa manta oo Axad ah sheegay iney aad u sii kordheyso awoodda ciidamada qalabka sida, ayagoo ku guuleystay in ay ka xureeyaan mintidiinta deegaano badan oo ka tirsan Shabeellaha Hoose.

Sareeye Guud Daahir Aadan Cilmi oo la hadlayay Laanta Af-Soomaaliga ee VOA-da ayaa sheegay inay Ciidanka Qaranka isku fidiyeen deegaanadii Al-Shabaab weerarka ka soo qaadi jireen si ay u dhibaateeyaaan shacabka Soomaaliyeed, waxa uu ku sii daray in ay ciidanku hadda ay gacanta ku hayaan afar wado oo ay marin u aheyd argagixisada si aay ugu soo gudbaan Caasimada Muqdisho.

Taliyaha ayaa soo hadal qaaday weerarka dhawaan ka dhacay Magaaladda Awdheegle oo jab weyn lagu gaarsiiyay cadowga naf la caariga ah, waxa uuna cadeeyay taasi in ay tusaalle fiican u tahay awoodda ciidanka ee dalka oo aad u sii kordheeyso.

Ugu danbeyn waxa uu ammaan u soo jeediyay Taliyaha Cusub ee Ciidanka Xoogga Sareeye Guuto Odawaa Yuusuf Raage uu xilka dhawaan maxadaxweynaha jumhuuriyada Mudane Maxamed C/llaahi Farmaajo u magacaabay.

LEAVE A REPLY

Please enter your comment!
Please enter your name here