Taliye ku xigeenka Booliiska oo maanta kormeeray saldhigga booliiska degmada Beledweyne

Taliye ku xigeenka ciidanka booliska Soomaliyee  Jeneraal  Muqtaar Xuseen Afrax  oo uu wehliyo gudoomiyaha gobolka Hiiraan  ayaa maanta kormeer ku tagay  saldhigga booliska  degmada Beledweyn.

Jeneraal Muqtaar Xuseen Afrax ayaa  la kulmay saraakiisha iyo ciidanka saldhigga booliiska Beledweyne,  isagoo ka dhageystay warbixin ku aaddan duruufaha kala duwan ee ay ku shaqeeyaan iyo baahiyaha ka jira Saldhigga.

Taliye ku xigeenka Booliiska Soomaaliya ayaa sheegay in wax badan laga qaban doono  baahiyaha  ay soo gudbiyeen, isagoo dhinaca kale tilmaamay in lagama maarmaan ay tahay in ciidamadku bartaan qorista farta Soomaaliga si ay u qabtaan shaqo hufan oo waxtar leh.

“waxaan ka warqabaa in ciidanka uusan helin  garaam,   waxaan ka warqabaa in dareeskan ay Jabuuti na siisay,  ragga qaarkood iyaga ayaa isa soo dabaray,   astaanta booliska nin walba asaa raadsaday  si dowlad nimada halkaas leysaga yimaado,  bishii 8 aad ee sanadkan taliyaha booliska waxa uu soo saaray  wareegto  aheed  in kormeere 3 aad iyo dable  ay bartaan qorista afka Soomaliga iyo xisaabaadka aas aasiga ah  1-da  Disembar  waxaa la qaadayaa imtixaan  ninkii ku dhoco ciidanka booliska kamid   ma ahaan doono,  sababtoo ah baabuur ayaa meshaas  dad ku dar daray  ma aqri kartid  taargadiisa  wuu iska dhaqaaqay,   dambiyaa dhacay saacadow dhacay goobta uu ka dhacay in uu qoraa laga rabaa askariga booliska ah” ayuu yiri Jeneraal Muqtaar.

Gudoomiya  maamulka gobolka Hiiraan  Cabdi fitaah  Xasan Afrax ayaa bogaadiyay  dadaalada ciidanka booliska Soomaliyeed ay ka wadaan gobolka Hiiraann,   waxaa uuna  sheegay in maamulka goblka Hiiraan uu ka soo bixi doono wax kasta oo ay ku caawinayo ciidanka booliska  Soomaliyeed ee ku sugan gobolka Hiiraan.

Mudooyinkii la soo dhaaafay ayaa saraakiisha ciidanka booliska Soomliyeed waxaa  ay wadeen qorshe kor  loogu qaadayo   tayada ciidanka booliska  waxaana  ay dib uhowgaliyeen  saldhigyadii ciidanka booliska ee ku yaalay   gobolada dalka.

 

LEAVE A REPLY

Please enter your comment!
Please enter your name here