Taliye ku xigeenka ciidamada xoogga oo kormeer shaqo ku tagay deegaano hoos taga Galmudug “SAWIRRO”

Taliye ku xigeenka ciidamada dhulka Soomaaliya Sareeye Guuto Xuseen Xoosh Cali oo maanta kormeer shaqo ku tagay deegaano hoos taga caasimadda Galmudug ee Dhuusamareeb, gaar ahaan deegaanka Beer Liibaan oo dhanka beri kaga beegan magaalada.

Deeganada uu kormeeray Taliyaha waxaa ku sugan ciidamo macawiisleey ah, kuwaas oo ay dadka deegaanka abaabuleen una diyaarsan in ay la dagaalamaan maleeshiyaadka Al-Shabaab.

Taliyaha ayaa dhiira gelin u sameeyay ciidamada is abaabulay ee ku suganaa deegaanadii uu maanta kormeeray wuxuuna u balan qaaday in ay dowladu ku garab siin doonto howsha ay wadaan oo ah la dagaalanka Al-shabaab.

Kormeerkan waxaa Taliyaha ku wehliyay, Saraakiil ka tirsan Qaybta 21-aad ee ciidanka xoogga dalka, Maamulka degmada Dhuusamareeb oo uu horkacayay Duqa Degmada Macalin Cabdiraxmaan Geedaqoroow iyo Masuuliyiin kale.

LEAVE A REPLY

Please enter your comment!
Please enter your name here