Taliye ku-xigeenka Ciidanka Asluubta oo ka warbixiyay maxbuus ku dhintay Xabsiga Dhexe

766

Taliye ku-xigeenka ciidanka Asluubta Soomaaliyeed Sareeyo Guuto Cabdikariin Cali Afrax ayaa faah faahin ka bixiyay maxbuus xalay ku geeriyooday xabsiga dhexe ee Xamar.

Taliye ku-xigeenka Ciidanka Asluubta oo shir jaraa’id qabtay ayaa yiri “Maxbuus ka mid ah maxabiista ku xirneyd xabsiga dhexe ee Xamar, maxbuuskaas waxa uu ku xirnaa qodobka 221, Maxbuus kale oo ay isku qodob ku xirnaayeen ayaa wax kala gaareen, sababtu waxa ay ahayd, maxaabiista waxa ay cayaarta, cayaar kubadda cagta ah, koob ayaa u furan, waxaana ay cayaarayaan koobkaasi, waxaa isku dhacay labo maxbuus oo is feeray, sida caadiga ah, Garsooraha waxa uu kaarka casaanka ah u taagay mid ka mid ah labadii maxbuus ee is dagaashay” ayuu yiri taliye ku-xigeenka ciidanka Asluubta.

Sareeyo Guuto Cabdikariin Cali Afrax ayaa xusay in labada maxbuus la xiray, waxaana uu intaa ku daray in Marxuum Xasan Maxamuud Xasan oo ka mid haa maxaabiista isku dhaca darteed loo xiray uu ku dhintay gudaha xabsiga.

Taliye ku-xigeenka Ciidanka Asluubta ayaa waxba kama jiraan ku tilmaamay wararka sheegaya in maxbuuska lagu duray cirbad sun ah.

 

Maxamed C/laahi Maxamed (Feereesane)

Did you like this? Share it:

LEAVE A REPLY

Please enter your comment!
Please enter your name here