Taliye Odowaa oo ka hadlay Ciidan ka cabanayay Mushaar la’aan

Taliyaha Ciidanka Xoogga Dalka Soomaaliyeed Sareeyo Guuto Odawaa Yuusuf Raage ayaa maanta ka hadlay Ciidan magaalada Muqdisho gadood ugu sameeyay mushahar la’aan awgeed, kuwaas oo ka howl-galayay Gobolka  Shabeellada Dhexe.

Taliye Odowaa, ayaa sheegay in ciidanka qalabka sida ay qaateen mushaharkoodii balse ay jiraan ciidamado kooban oo aan tirokoob marin iyo kuwo ay cilado farsamo ka yimaadeen diiwaan-gelintoodii oo aysan lacagtii gaarin.

Dowladda Federaalka Soomaaliya ee haatan jirta ayaa ah Dowladdii ugu horreysay oo muddo labaatan sano ah kaddib si toos ah u bixisa xuquuqda Shaqaalaha Rayidka iyo Ciidamada qalabka sida.

LEAVE A REPLY

Please enter your comment!
Please enter your name here