Talyaaniga oo go’doomiyey 16-milyan oo Qof, cabsi laga qabo faafitaanka Coronavirus

Ra’iisul Wasaaraha Dalka Talyaaniga Giuseppe Conte ayaa amar ku bixiyay in la xiro  gobolka waqooyiga ee Lombardy iyo 14-gobol oo kale, taas oo lagu xakameynayo inuu faafo cudurka Coronoviruska,

Tallaabadan, ayaa lagu dhawaaqay Sabtidii, qiyaastii 16 milyan oo dad ah ayaa ku jiraya  aaga loo bixiyey “Aaga Cas” illaa iyo 3-da bisha April  ee soo socota.

“Waan fahamsanahay in tallaabooyinkan ay u baahan doonaan naf hurid iyo dulqaad, laakiin kani waa dhaq-dhaqaaq mas’uuliyadeed oo isxilqaan ah” sidaasi waxaa yiri Ra’iisulwasaaraha Talyaaniga oo shir jaraa’id qabtay.

Tallaabadan degdegga ah ayaa timid kadib markii baaritaanno la sameeyay ay muujiyeen in ay kordheen tirada dadka qaba  infekshanka coronavirus.

Hay’adda ilaalinta rayidka ee Talyaanigu waxay sheegtay Sabtidii in tirada dadka cudurka qaba ay kor u kacday 1,247, taasoo ka dhigeysa guud ahaan dadka qaba cudurka 5,883.

LEAVE A REPLY

Please enter your comment!
Please enter your name here