Talyaaniga oo qalab Sport gudoonsiiyay ciyaartoy Soomaaliyeed-Sawirro

Ciidanka dowladda Italy ee qeybta ka ah ee howlgalka midowga Yurub ee Soomaaliya ayaa maanta waxaa ay qalab Sport ku guddoonsiiyeen ciyaartow Soomaaliyeed kadib munaasibad lagu qabtay magaalada Muqidsho.

Aqabkan oo ka kooban kubadaha kala duwan ee lagu ciyaaro ayaa waxaa la siiyay kooxaha kala ah; kooxda gabdhaha qaranka ee kubadda gacanta, kooxda gentaalada ee kubadda cagta ee degmada Afgooye iyo wiilasha 11 sano jiradaha ee degmada Yaaqshiid.

Goobta qalabka Sport lagula kala wareegayay ayaa waxaa joogay mataliyaal ka kala socday wasaaradda dhalinyarada iyo ciyaaraha, maamulka gobolka Banaadir, xiriirada kubadda koleyga, kan gacanta, taliyaha ciidanka Talyaaniga ee Soomaaliya jooga iyo mas’uuliyiin kale.

Mas’uuliyiinta xiriirada kubadda koleyga iyo kubadda gacanta, ayaa taliyaha ciidanka Talyaaniga ee Soomaaliya jooga ka codsaday in ay u dayactiraan garoonka wish stadium maadaama garoonka uu yahay mid ka dhaxeeya labada xiriir isla markaana u baahan dayactir balaaran ka hor sanadka 2017-ka.

Ayagoo sidoo kalena dowladda Talyaaniga ugu mahadceliyay deeqda ay soo gaarsiiyeen.

Taliyaha ciidanka Talyaaniga ee qeybta ka ah howlgalka midowga Yurub ee Soomaaliya korneel Fernando Bernardo, ayaa sheegay in codsiga ay soo gudbiyeen xiriirada uu gaarsiin doono dowladiisa, isagoo sidoo kale sheegay in qalabkan ugu talagaleen in ay kor ugu qaadaan niyadda ciyaartowda Soomaaliyeed.

Sidan oo kale ayay horey u sameeyeen tiro dhowr jeer ah ciidanka Talyaaniga ee jooga dalka.

vlcsnap-2016-03-31-11h08m49s67 vlcsnap-2016-03-31-11h08m58s67 vlcsnap-2016-03-31-11h09m37s193 vlcsnap-2016-03-31-11h10m29s209 vlcsnap-2016-03-31-11h10m41s78 vlcsnap-2016-03-31-11h10m57s226 vlcsnap-2016-03-31-11h11m38s116 vlcsnap-2016-03-31-11h12m17s253 vlcsnap-2016-03-31-11h12m39s223 vlcsnap-2016-03-31-11h13m52s178 vlcsnap-2016-03-31-11h15m12s219 vlcsnap-2016-03-31-11h15m21s53 vlcsnap-2016-03-31-11h15m49s72 vlcsnap-2016-03-31-11h16m15s89 vlcsnap-2016-03-31-11h16m27s215 vlcsnap-2016-03-31-11h17m24s251 vlcsnap-2016-03-31-11h18m19s41 vlcsnap-2016-03-31-11h18m29s140 vlcsnap-2016-03-31-11h18m39s252 vlcsnap-2016-03-31-11h20m27s51

 

LEAVE A REPLY

Please enter your comment!
Please enter your name here