Tartamaayasha Degmada Heliwaa oo caawa u soo gudbay wareegga labaad ee tartanka “SAWIRRO”

0
1288

Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii tobnaad oo ah wareegga koowaad ku tartamay tartameyaasha Degmooyinka Marka Vs Heliwaa oo ka kala tirsan Gobollada Shabeelaha Hoose iyo Benaadir waxaana barnaamijka sanadkii shanaad oo xiriir ah taabagelineya Maamulka Gobolka Benaadir.

Tartameyaasha labada degmo ee Marka VS Heliwaa ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.

Marka

Tartameyaasha Degmada Marka ee gobolka Shabeelaha Hoose waxaa la weydiiyey todobo Su’aal, mana jirin hal su’aal oo ay ka jawaabeen, balse waxa ay ka faa’iideysteen hal su’aal oo soo hareermartay tartamaayasha Degmada Heliwaa, sidaa darteed wadarta guud ee dhibcaha tartameyaasha Degmada Marka ay heleen waxay noqotay labo (2) dhibcood.

Heliwaa

Tartamayaasha Degmada Heliwaa ee gobolka Benaadir waxaa dhankooda la weydiiyay todobo su’aal, waxa ay ka jawaabeen labo su’aal, iyagoo iska qalday shan su’aal, waxa ay ka faa’iideysatay hal suaal oo soo hareer martay Marka, sidaasi darteed wadarta guud ee dhibcaha ay heleen tartameyaasha Degmada Heliwaa waxay noqotay lix (6) dhibcood.

Tartamayaasha Degmada Heliwaa ee Gobolka Benaadir ayaa caawa u soo gudbay wareegga labaad ee tartanka

Habeen dambe haddii uu Alle idmo oo ah habeenka kow iyo tobnaad ee tartanka, waxaa foodda is dari doono, tartamaayasha degmooyinka Howl-wadaag Vs Jowhar oo ka kala tirsan Gobolada Banaadir.iyo Shabeelaha Dhexe.

Sawir Qaade Qadar Cali Nuur

Did you like this? Share it:

LEAVE A REPLY

Please enter your comment!
Please enter your name here