Tartamaayasha Degmada Shangaani oo caawa u soo gudbay wareegga labaad ee tartanka “SAWIRRO”

3562

Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana haatan si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii saddexaad ku tartamay tartameyaasha degmooyinka Shangaani VS Waaberi oo ka wada tirsan Gobolka Benaadir, waxaana barnaamijka sanadkii afaraad oo xiriir ah taabagelineyso Maamulka Gobolka Benaadir.

Tartameyaasha labada degmo ee Shangaani VS Waaberi ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar su’aal la guda galay isbarashada degmooyinka iyo waxyaabaha ay degmo kasta caan ku tahay.

Shangaani

Tartameyaasha degmada Shangaani ee gobolka Benaadir waxaa la weydiiyey todobo Su’aal, waxaana ay si sax ah uga jawaabeen Hal su’aal, waxaana ay iska qaldeen Lix su’aal, waxa ay si ka faa’iideysi ah u heleen hal su’aal oo soo hareer martay tartamayaasha degmada Waaberi, hadaba wadarta guud ee dhibcaha tartameyaasha Degmada Shangaani ay heleen waxay noqotay afar dhibcood.

Waaberi

Tartamayaasha Degmada Waaberi waxaa dhankooda la weydiiyay todobo su’aal, waxaana su’aalihii la weydiiyay ay si sax ah uga jawaabeen Hal su’aal, waxaana ay iska qaldeen Lix su’aal, mana jirin wax ka faa’ideysi ah oo ay heeleen, waxaana wadarta guud ee dhibcaha tartameyaasha degmada Waaberi ay noqoneysaa labo dhibcood.

Tartamayaasha degmada Shangaani ayaa caawa u soo gudbay wareegga labaad ee tartanka.

Habeen dambe oo ah habeenka afaraad ee tartan cilmiyeedka hadii uu Alle idmo barnaamijka waxaa ku tartami doona tartamayaasha degmooyinka Boondheere VS Gaalkacyo oo ka kala tirsan gobollada Benaadir iyo Mudug.


      

Sawir Qaade:- Khadar Cali Nuur

Did you like this? Share it:

LEAVE A REPLY

Please enter your comment!
Please enter your name here