Tartamayaaasha Degmada Kismaayo oo caawa u soo gudbay Afaraad “Dhageyso”

Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan oo wareegga saddexaad ee tartanka ku dhexmaray degmooyinka Xamar weyne iyo Kismaayo oo ka kala tirsan Gobollada Banaadir iyo Jubbada Hoose, iyadoo labada dhinac ay muujiyeen dadaal iyo anshax wanaag inta uu tartanku socday.

Natiijada tartankii dhexmaray caawa tartamayaasha degmooyinka Xamar weyne iyo Kismaayo waxey noqotay sidan:-

Xamar weyne

Tartamayaasha Degmada Xamar weyne sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, su’aallihii la weydiiyey ma jirin hal xabo oo ay sheegeen, balse, waxa ay si ka faa’iideysi ah u heleen hal su’aal oo soo hareer martay tartamayasha degmada Ksimaayo, waxayna wadarta guud ee dhibcaha tartamayaasha degmada Xamar weyne ay heleen noqoneysaa 2 dhibcood (Labo dhibcood).

Kismaayo

Tartamayaasha Degmada Kismaayo waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen Labo su’aal,  halka ay iska qaldeen Shan su’aal, waxa ayna ka faa’iideysteen afar su’aal oo soo hareermartay tartamayaasha degmada Xamar weyne, waxaana wadarta guud ee tartamayaasha degmada Kismaayo ka dhigeysaa inay heleen 12 dhibcood (Labo iyo Toban dhibcood).

Hadaba kulankii 22aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Afaraad (Semi final) u soo gudbay tartamayaasha degmada Kismaayo ee gobolka Jubbada Hoose, ayadoo gebagebadii ay labada tartame isugu hambalyeeyeen guushaasi.

Halkan ka dhageyso 

Qeybta Koowaad ee Tartanka

Qeybta Labaad ee Tartanka