DAAWO SAWIRRADA: Tartamayaasha Degmada Baydhabo oo caawa u soo gudbay wareegga labaad ee tartanka

2801

Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii afar iyo tobnaad ku tartamay tartameyaasha Degmooyinka Baydhabo VS Yaaqshiid oo ka kala tirsan Gobollada Baay iyo Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.

Tartameyaasha labada degmo ee Baydhabo VS Yaaqshiid ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar su’aal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.

Baydhabo

Tartameyaasha Degmada Baydhabo ee gobolka Baay waxaa la weydiiyey todobo Su’aal, waxaana ay si sax ah uga jawaabeen saddex su’aal, waxaana ay iska qaldeen afar su’aal, waxa ay ka faa’iideysteen hal su’aal oo soo hareer martay tartamaayasha Degmada Yaaqshiid, hadaba wadarta guud ee dhibcaha tartameyaasha Degmada Baydhabo ay heleen waxay noqoneysaa sideed (8) dhibcood.

Yaaqshiid

Tartamayaasha Degmada Yaaqshiid ee gobolka Benaadir waxaa dhankooda la weydiiyay todobo su’aal, waxa ay ka jawaabeen saddex su’aal, waxa ay iska qaldeen afar su’aal,  waxana ay ka faa’iideysteen hal su’aal oo soo hareer martay tartamayaasha Degmada Baydhabo, waxaana wadarta guud ee dhibcaha ay heleen tartameyaasha degmada Yaaqshiid ay noqotay sideed (8) dhibcood.

Maadaama ay isku dhibco noqdeen tartamayaasha labada degmo ayaa waxaa loo baahday si loo kala saaro in lagu daro su’aalo dheeri ah, waxaana su’aasha koowaad iska lahayd tartamayasha Baydhabo oo ka jawaabay su’aalihii la weydiiyay, balse tii tartamayaasha degmada Yaaqshiid waa ay iska qaldeen mana jirin cid ka faa’iideysatay, waxaan wadarta guud ee ay tartamayaasha Baydhabo ay heleen noqotay 10 dhibcood

Tartamayaasha Degmada  Baydhabo ee gobolka Baay ayaa caawa u soo gudbay wareegga labaad ee tartanka.

Hadaba Habeen dambe oo ah habeenka shan iyo tobnaad ee tartan cilmiyeedka Warbaahinta Qaranka hadii uu Alle idmo Barnaamijka waxaa bilaabanaya wareegga labaad ee tartanka kaasi oo ay ku tartami doonaan tartamayaasha Degmooyinka Warta Nabadda Vs Baledweyne oo ka kala tirsan Gobollada Benaadir iyo Hiiraan.

 

 

Photo by: Mohamed M. Hassan White-ka

 

Did you like this? Share it:

LEAVE A REPLY

Please enter your comment!
Please enter your name here