Tartamayaasha Degmada Deyniile oo caawa u soo gudbay wareegga saddexaad ee tartanka “Dhageyso”

1513

Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan oo ka tirsan wareegga labaad ee tartanka ku dhexmaray degmooyinka Heliwaa iyo Deyniile oo ka wada tirsan Gobolka banaadir, iyadoo labada dhinac ay muujiyeen dadaal iyo anshax wanaag inta uu tartanku socday.

Natiijada tartankii dhexmaray caawa tartamayaasha degmooyinka Heliwaa iyo Deyniile waxey noqotay sidan:-

Heliwaa

Tartamayaasha Degmada Heliwaa sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Labo su’aal oo waxa ay iska qaldeen Shan su’aal, waxa ay ka faa’iideysi ah u heshay Labo su’aal oo soo hareermartay tartamayaasha degmada Deyniile, waxayna wadarta guud ee dhibcaha tartamayaasha degmada Heliwaa ay heleen noqoneysaa 8 dhibcood (Sideed dhibcood).

Deyniile

Tartamayaasha Degmada Deyniile waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen Saddex su’aal,  halka ay iska qaldeen Afar su’aal, waxa ayna ka faa’iideysteen Labo su’aal oo soo hareermartay tartamayaasha degmada Heliwaa, waxaana wadarta guud ee tartamayaasha degmada Deyniile ka dhigeysaa inay heleen 10 dhibcood (Toban dhibcood).

Hadaba kulankii 19aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga saddexaad u soo gudbay tartamayaasha degmada Deyniile ee gobolka Banaadir, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka 20aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Wadajir iyo Jawiil oo ka kala tirsan gobollada Banaadir iyo Hiiraan, waxaana ay noqoneysaa kulankii ugu dambeeyay ee wareegga labaad.

Halkan ka dhageyso

Qeybta Koowaad ee tartanka

Qeybta Labaad ee tartanka

Did you like this? Share it:

LEAVE A REPLY

Please enter your comment!
Please enter your name here