Tartamayaasha Degmada Dharkeynleey oo caawa u soo gudbay wareegga xiga

0
2373

Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii sideedaad ku tartamay tartameyaasha Degmooyinka Kismaayo VS Dharkeynleey oo ka kala tirsan Gobollada Jubbada Hoose iyo Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.

Tartameyaasha labada degmo ee Kismaayo VS Dharkeynleey ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar su’aal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.

Kismaayo

Tartameyaasha Degmada Kismaayo ee gobolka Jubbada Hoose waxaa la weydiiyey todobo Su’aal, waxaana ay si sax ah uga jawaabeen Hal su’aal, waxaana ay iska qaldeen Lix su’aal, mana jirin wax ka faa’iideysi ah oo ay heleen, hadaba wadarta guud ee dhibcaha tartameyaasha Degmada Kismaayo ay heleen waxay noqoneysaa labo (2) dhibcood.

Dharkeynleey

Tartamayaasha Degmada Dharkeynleey ee gobolka Benaadir waxaa dhankooda la weydiiyay todobo su’aal, mana jirin wax su’aal ah oo ay ka jawaabeen, balse waxa ay si ka faa’iideysi u heleen saddex su’aal oo soo hareermartay tartamayaasha Degmada Kismaayo ee gobolka Jubbada Hoose, waxaana wadarta guud ee dhibcaha tartameyaasha degmada Dharkeynleey ay noqotay Lix (6) dhibcood.

Tartamayaasha Degmada Dharkeynleey ee gobolka Benaadir ayaa caawa u soo gudbay wareegga labaad ee tartanka.

Hadaba Habeen dambe oo ah habeenka sagaalaad ee tartan cilmiyeedka Warbaahinta Qaranka hadii uu Alle idmo barnaamijka waxaa ku tartami doona tartamayaasha degmooyinka Xamar Jabjab Vs Wadajir oo ka wada tirsan Gobolka Benaadir.

Did you like this? Share it:

LEAVE A REPLY

Please enter your comment!
Please enter your name here