Tartamayaasha Degmada Dharkeynley oo caawa u soo gudbay wareegga labaad ee tartanka

Tartan cilmiyeedka bisha Ramadaan oo galay sanadkii sagaalaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa afaraad oo ah wareegga koowaad ku tartamay tartameyaasha Degmooyinka Dhahar Vs Dharkeynley oo ka kala tirsan Gobollada Sanaag iyo Benaadir, waxaana barnaamijka sanadkii todobaad oo xiriir ah taabagelineya Maamulka Gobolka Benaadir.

Tartameyaasha labada degmo ee Dhahar Vs Dharkeynley ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.

Dhahar

Tartamayaasha Degmada Dhahar ee gobolka Sanaag waxaa la weydiiyay todobo su’aal, waxa ay ka jawaabeen Afar su’aal, iyagoo iska qalday Saddex su’aal, Ma jirin wax ka faa’iideysi ah oo ay heleen, sidaasi darteed wadarta guud ee dhibcaha ay heleen tartameyaasha Degmada Dhahar waxay noqotay sideed (8) dhibcood.

Dharkeynley

Tartameyaasha Degmada Dharkeynley ee gobolka Benaadir waxaa dhankooda la weydiiyey todobo Su’aal, waxa ay ka jawaabeen Afar su’aal, waxaana ay iska qaldeen Saddex su’aal, dhankooda ma jirin wax ka faa’iideysi ah oo ay heleen, sidaa darteed wadarta guud ee dhibcaha tartameyaasha Degmada Dharkeynley ay heleen waxay noqotay sideed (8) dhibcood.

Sida xeerka tartanka uu dhigayo maadaama labada tartame ay isku dhibco noqdeen guddiga tartanka ayaa go’aamiyay in lagu daro su’aalo dheeraad ah, waxaana su’aalihii dheeriga ahaa ka faa’iideystay tartamayaasha degmada Dharkeynley oo ka jawaabay su’aashii la weydiiyay, balse Dhahar waxa ay iska qaldeen su’aashii la weydiiyay.

Tartamayaasha Degmada Dharkeynley ee Gobolka Banaadir ayaa caawa u soo gudbay wareegga labaad ee tartanka.

Habeen dambe haddii uu Alle idmo oo ah habeenka shanaad ee tartanka, waxaa foodda is dari doono, tartamaayasha degmooyinka Garbahaareey Vs Marka oo ka kala tirsan Gobollada Gedo iyo Shabeelaha Hoose.

LEAVE A REPLY

Please enter your comment!
Please enter your name here