Tartamayaasha deegaanka Jawiil oo caawa u soo gudbay wareegga afaraad ee tartanka “Dhageyso”

Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan oo ah wareegga saddexaad ee tartanka ku dhexmaray degmooyinka Jawiil iyo Gaalkacyo oo ka kala tirsan Gobollada Hiiraan iyo Mudug, iyadoo labada dhinac ay muujiyeen dadaal iyo anshax wanaag inta uu tartanku socday.

Natiijada tartankii dhexmaray caawa tartamayaasha degmooyinka Jawiil iyo Gaalkacyo waxey noqotay sidan:-

Jawiil

Tartamayaasha Deegaanka Jawiil sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, Su’aalihii todobada ahaa ee la waydiiyay, waxa ay si sax ah uga jawaabeen Saddex Su’aal, halka ay iska qaldeen Afar su’aal, waxa ay si ka faa’iideysi ah u heleen Hal su’aal oo soo hareer martay tartamayasha Degmada Gaalkacyo, waxayna wadarta guud ee dhibcaha tartamayaasha degmada Jawiil ay heleen noqoneysaa 8 dhibcood ( Sideed dhibcood).

Gaalkacyo

Tartamayaasha Degmada Gaalkacyo waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen Hal su’aal,  halka ay iska qaldeen Lix su’aal, mana jirin wax ka faa’iideysi ah oo ay heleen, waxaana wadarta guud ee tartamayaasha degmada Gaalkacyo ka dhigeysaa inay heleen 2 dhibcood (Labo dhibcood).

Hadaba kulankii 24aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga afaraad (Semi-final) u soo gudbay tartamayaasha degmada Jawiil ee gobolka Hiiraan, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka 25aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Baydhabo iyo Kismaayo oo ka kala tirsan Gobollada Baay iyo Jubbada Hoose, waxaana tartamayaasha degmada Jawiil ay foodda is dari doonaan tartamaayasha degmada Yaashiid oo xalay u soo gudbay wareegga afaraad ee tartanka.

Halkan ka dhageyso

Qeybta Koowaad ee Tartanka

Qeybta Labaad ee tartanka

 

LEAVE A REPLY

Please enter your comment!
Please enter your name here