Tartamayaasha degmada Jawiil oo u soo gudbay wareegga labaad ee tartan cilmiyeedka

0
1789

Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan ku dhexmaray degmooyinka Kaaraan Vs Jawiil  oo ka kala tirsan Gobollada Banaadir iyo Hiiraan, iyadoo labada dhinac ay muujiyeen dadaal iyo anshax wanaag inta uu tartanku socday.

Sida uu xeerka tartanka qabo marka degmo walibo la weydiiyo min afar su’aal waxaa xalay dhextaal u ahaa isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Kaaraan  iyo Jawiil iyo sidoo kale waxyaabaha ay caanka ku yihiin oo ay ku cabireen hab suugeed.

Natiijada tartankii dhexmaray xalay tartamayaasha degmooyinka Kaaraan iyo Jawiil  waxey noqotay sidan:-

Kaaraan

Tartamayaasha Degmada Buuhoodle sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen saddex su’aal oo waxa ay iska qaldeen afar su’aal,  halka ay ka faa’iideysteen hal su’aal oo soo hareermartay tartamayaasha Degmada Jawiil, waxayna wadarta guud ee dhibcaha tartamayaasha degmada Kaaraan ay heleen noqoneysaa 8 dhibcood (Sideed dhibcood).

Jawiil

Tartamayaasha Degmada Wadajir waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen Lix su’aal,  halka ay iska qaldeen hal su’aal,  Waxa ay ka faa’iideysi u heleen saddex su’aal oo soo hareermartay tartamayaasha Degmada Kaaraan, waxaana wadarta guud ee tartamayaasha degmada Jawiil ka dhigeysaa inay heleen 18 dhibcood (Sideed iyo Toban dhibcood).

Hadaba kulankii 13aad ee tartan Cilmiyeedka bisha Ramadaan ee Warbaahinta Qaranka caawa waxaa wareega labaad u soo gudbay tartamayaasha degmada Jawiil ee gobolka Hiiraan, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka 14aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Gaalkacyo iyo Baydhabo oo ka kala tirsan Gobollada Mudug iyo Baay, waxaana habeen dambe si rasmi ah u bilaabaneysa wareegga labaad ee tartanka, maadaama uu caawa ku ekaa wareegii koowaad ee tartanka.

Did you like this? Share it:

LEAVE A REPLY

Please enter your comment!
Please enter your name here