Tartamayaasha Degmada Jowhar oo soo tiigsaday wareegga labaad ee tartanka “SAWIRRO”

1496

Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii kow iyo tobnaad oo ah wareegga koowaad ku tartamay tartameyaasha Degmooyinka Howl-wadaag Vs Jowhar oo ka kala tirsan Gobolada Banaadir.iyo Shabeelaha Dhexe, waxaana barnaamijka sanadkii shanaad oo xiriir ah taabagelineya Maamulka Gobolka Benaadir.

Tartameyaasha labada degmo ee Howl-wadaag Vs Jowhar ayaa muujiyey tartan aad u adag oo noqday kii ugu dhibcaha badnaa, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.

Howl-wadaag

Tartameyaasha Degmada Howl-wadaag ee gobolka Banaadir waxaa la weydiiyey todobo Su’aal, waxa ay ka jawaabeen Hal su’aal, waxaana ay iska qaldeen lix su’aal, mana jirin wax ka faa’iideysi ah oo ay heleen, sidaa darteed wadarta guud ee dhibcaha tartameyaasha Degmada Howl-wadaag ay heleen waxay noqotay labo (2) dhibcood.

Jowhar

Tartamayaasha Degmada Jowhar ee gobolka Shabeelaha Dhexe waxaa dhankooda la weydiiyay todobo su’aal, waxa ay ka jawaabeen Labo su’aal, iyagoo iska qalday shan su’aal, waxa ay ka faa’iideysatay labo suaal oo soo hareer martay Howl-wadaag, sidaasi darteed wadarta guud ee dhibcaha ay heleen tartameyaasha Degmada Jowhar waxay noqotay sideed (8) dhibcood.

Tartamayaasha Degmada Jowhar ee Gobolka Shabeelaha Dhexe ayaa caawa u soo gudbay wareegga labaad ee tartanka

Habeen dambe haddii uu Alle idmo oo ah habeenka labo iyo tobnaad ee tartanka, waxaa foodda is dari doono, tartamaayasha degmooyinka Xudur Vs Kaxda oo ka kala tirsan Gobolada Bakool iyo Banaadir.

 

Did you like this? Share it:

LEAVE A REPLY

Please enter your comment!
Please enter your name here