Tartamayaasha Degmada Kaaraan oo u soo gudbay wareegga saddexaad ee tartanka “SAWIRRO”

2566

Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii sideed iyo tobnaad oo ah wareegga labaad ku tartamay tartameyaasha Degmooyinka Dharkeynleey VS Kaaraan oo ka wada tirsan Gobolka Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.

Tartameyaasha labada degmo ee Dharkeynleey VS Kaaraan ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar su’aal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.

Dharkeynleey

Tartameyaasha Degmada Dharkeynleey ee gobolka Benaadir waxaa la weydiiyey todobo Su’aal, mana jirin hal su’aal oo ay ka jawaabeen, sidoo kale ma aysan jirin wax ka faa’iideysi ah oo ay heleen, sidaa darteed wadarta guud ee dhibcaha tartameyaasha Degmada Dharkeynleey ay heleen waxay noqoneysaa eber (0) dhibcood.

Kaaraan

Tartamayaasha Degmada Kaaraan ee gobolka Benaadir waxaa dhankooda la weydiiyay todobo su’aal, waxa ay ka jawaabeen labo su’aal, waxa ay iska qaldeen shan su’aal,  waxaana ay ka faa’iideysteen hal su’aal oo soo hareer martay tartamayaasha Degmada Dharkeynleey, waxaana wadarta guud ee dhibcaha ay heleen tartameyaasha degmada Kaaraan ay noqotay lix (6) dhibcood.

Tartamayaasha Degmada  Kaaraan ee gobolka Benaadir ayaa caawa u soo gudbay wareegga saddexaad ee tartanka.

Hadaba Habeen dambe oo ah habeenka sagaal iyo tobnaad ee tartan cilmiyeedka Warbaahinta Qaranka hadii uu Alle idmo Barnaamijka waxaa ku tartami doona tartamayaasha Degmooyinka Garbahaareey Vs Wadajir oo ka kala tirsan Gobollada Gedo iyo Benaadir.

       

Sawir Qaade:- Khadar Cali Nuur

Did you like this? Share it:

LEAVE A REPLY

Please enter your comment!
Please enter your name here