Tartamayaasha degmada Kismaayo oo u soo gudbiyay wareegga seddexaad “SAWIRRO”

0
2349

Tartan cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, uuna taaba gelineyo sanadkii saddexaad Maamulka Gobolka Benaadir ayaa waxaa caawa wareegiiisa labaad tartan aad u xiiso badan ku dhexmaray degmooyinka Kaaraan Vs Kismaayo oo ka kala tirsan Gobollada Banaadir iyo Jubbada Hoose, iyadoo labada dhinac ay muujiyeen dadaal iyo anshax wanaag inta uu tartanku socday.

Tartanka oo ahaa mid aad u xiiso badan ayaa tartamayaasha labada degmo waxa ay muujiyeen tartan wanaag oo ku dhisan aqlaaq iyo aqoon.

Natiijada tartankii dhexmaray xalay tartamayaasha degmooyinka Kaaraan iyo Kismaayo waxey noqotay sidan:-

Kaaraan

Tartamayaasha Degmada Kaaraan sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Hal su’aal oo waxa ay iska qaldeen Lix, mana jirin wax ka faa’iideysi ah, wadarta guud ee dhibcaha tartamayaasha degmada Kaaraan ay heleen noqoneysaa 2 dhibcood (Labo dhibcood).

Kismaayo

Tartamayaasha Degmada Kismaayo  waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen Saddex su’aal,  halka ay iska qaldeen afar su’aal, mana jirin wax ka faa’iideysi ah oo ay heleen tartamayaasha degmada Kismaayo,  waxaana wadarta guud ee tartamayaasha degmada Kismaayo ka dhigeysaa inay heleen 6 dhibcood (Lix dhibcood)..

Hadaba kulankii 18aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga saddexaad u soo gudbay tartamayaasha degmada Kismaayo ee gobolka Banaadir, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka 19aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Garbahaareey iyo Boondheere oo ka kala tirsan Gobollada Gedo iyo Benaadir.

IMG_0003 IMG_0013 IMG_0017 IMG_0026 IMG_0037 IMG_0041 IMG_0044 IMG_0056IMG_0048 IMG_0050 IMG_0057 IMG_0062 IMG_0063 IMG_0076 IMG_0091 IMG_0092 IMG_0102 IMG_0109 IMG_0114 IMG_0125 IMG_0133 IMG_0136Sawir Qaade:-Farxaan Suleymaan Daahir


 

 

 

Did you like this? Share it:

LEAVE A REPLY

Please enter your comment!
Please enter your name here