Tartamayaasha degmada Warta Nabadda oo caawa u soo gudbay wareega labaad “SAWIRRO+DHAGEYSO”

1867

Tartan cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, uuna taaba gelineyo sanadkii saddexaad Maamulka Gobolka Benaadir ayaa waxaa caawa tartan aad u xiiso badan ku dhexmaray degmooyinka Warta Nabadda Vs Beladweyne oo ka kala tirsan Gobollada Banaadir iyo Hiiraan, iyadoo labada dhinac ay muujiyeen dadaal iyo anshax wanaag inta uu tartanku socday.

Sida uu xeerka tartanka qabo marka degmo walibo la weydiiyo min afar su’aal waxaa caawa dhextaal u ahaa isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Warta Nabadda iyo Beladweyne iyo waxyaabaha ay caanka ku yihiin labada degmo.

Natiijada tartankii dhexmaray caawa tartamayaasha degmooyinka Warta Nabadda iyo Beledweyne waxey noqotay sidan:-

Warta Nabadda

Tartamayaasha Degmada Warta Nabadda sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen shan su’aal oo waxa ay iska qaldeen labo, waxa ay si ka faa’iideysi ah u heleen labo su’aal oo soo hareermartay Beledweyne, waxayna wadarta guud ee dhibcaha tartamayaasha degmada Warta Nabadda ay heleen noqoneysaa 14 dhibcood (Afar iyo toban dhibcood).

Beledweyne

Tartamayaasha Degmada Beledweyne waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen shan su’aal,  halka ay iska qaldeen Labo su’aal, waxa ay si ka faa’iideysi ah u heleen Hal su’aal oo soo hareer martay tartamayaasha degmada Warta Nabadda, waxaana wadarta guud ee tartamayaasha degmada Beledweyne ka dhigeysaa inay heleen 12 dhibcood (Labo iyo toban dhibcood).

Hadaba kulankii 13aad ee tartan Cilmiyeedka bisha Ramadaan ee Warbaahinta Qaranka caawa waxaa wareega xiga u soo gudbay tartamayaasha degmada Warta Nabadda ee gobolka Banaadir, ayadoo gebagebadii ay labada tartame isugu hambalyeeyeen guushaasi,

Habeen dambe oo ah habeenka 14aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Xudur iyo Howlwadaag oo ka kala tirsan gobollada Bakool iyo Benaadir.

Halkan ka dhageyso Tartanka

DSC05484 DSC05525 DSC05524 DSC05523 DSC05522 DSC05519 DSC05517 DSC05516 DSC05515 DSC05513 DSC05512 DSC05511 DSC05509 DSC05508 DSC05506 DSC05504 DSC05503 DSC05502 DSC05500 DSC05498 DSC05497 DSC05494 DSC05493 DSC05492 DSC05490 DSC05488

DSC05484 DSC05488 DSC05490 DSC05492 DSC05493 DSC05494 DSC05497 DSC05498 DSC05500 DSC05502 DSC05503 DSC05504 DSC05506 DSC05508 DSC05509 DSC05511 DSC05512 DSC05513 DSC05515 DSC05516 DSC05517 DSC05519 DSC05522 DSC05523 DSC05524 DSC05525

Sawir Qaade:- Farxaan Suleymaan Daahir 

Did you like this? Share it:

LEAVE A REPLY

Please enter your comment!
Please enter your name here