Tartamayaasha degmada Warta Nabadda oo caawa u soo gudbay wareegga xiga “SAWIRRO”

1547

DSC05652

Tartan cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, uuna taaba gelineyo sanadkii saddexaad Maamulka Gobolka Benaadir ayaa caawa wareegiiisa labaad ee ah lugta ugu dambeysa waxaa tartan aad u xiiso badan ku dhexmaray degmooyinka Warta Nabadda Vs Howlwadaag oo ka wada tirsan Gobolka Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.

Tartanka oo ahaa mid aad u xiiso badan ayaa tartamayaasha labada degmo waxa ay muujiyeen tartan wanaag oo ku dhisan aqlaaq iyo aqoon.

Natiijada tartankii dhexmaray xalay tartamayaasha degmooyinka Warta Nabadda iyo Howlwadaag waxey noqotay sidan:-

Warta Nabadda

Tartamayaasha Degmada Warta Nabadda sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Hal su’aal oo waxa ay iska qaldeen Lix, mana jirin wax ka faa’iideysi ah, wadarta guud ee dhibcaha tartamayaasha degmada Warta nabadda ay heleen noqoneysaa 2 dhibcood (Labo dhibcood).

Howlwadaag

Tartamayaasha Degmada Howlwadaag waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Hal su’aal, halka ay iska qaldeen Lix su’aal, maan jirin wax ka faa’iideysi ah, waxaana wadarta guud ee tartamayaasha degmada Howlwadaag ka dhigeysaa inay heleen 2 dhibcood (Labo dhibcood)..
Hadaba sida sharciga qabo waxaa degmooyinka loogu daray waqti dheeri ah, si loo kala saaro, waxaana tartamayaasha degmada Warta Nabadda ay si sax ah uga jawaabeen su’ashii 8-aad ee la weydiiyay, halka tartamayaasha howlwadaag ay iska qaldeen su’aashooda sideedaad, mana jirin cidkale oo ka fa’iideysatay, hayeeshe waxa halkaasi 4-2 ku badiyay Warta Nabadda.

Hadaba kulankii 20aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga saddexaad u soo gudbay tartamayaasha degmada Warta Nabadda ee gobolka Banaadir, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka 22aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Yaaqshiid iyo Wadajir oo ka wada tirsan Gobolka Benaadir.

DSC05610 DSC05614  DSC05616 DSC05617 DSC05619 DSC05620 DSC05622 DSC05624 DSC05626 DSC05627  DSC05630 DSC05631 DSC05632 DSC05634 DSC05637 DSC05639 DSC05640  DSC05644 DSC05647 DSC05649 DSC05652 DSC05656 DSC05660 DSC05662 DSC05663 DSC05664 DSC05665 DSC05667 DSC05668 DSC05670 DSC05671 DSC05672 DSC05673

Sawir Qaade:- Farxaan Suleymaan Daahir

Did you like this? Share it:

LEAVE A REPLY

Please enter your comment!
Please enter your name here