Tartamayaasha degmada Warta Nabadda oo u soo gudbay wareegga labaad ee tartan Cilmiyeedka “Dhageyso”

1949

Tartan Cilmiyeedka Bisha Barakeysan ee Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan leh  dhexmaray degmooyinka Howl-wadaag iyo Warta Nabadda oo ka wada tirsan Gobolka Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.

Sida uu xeerka tartanka qabo marka degmo walibo la weydiiyo min afar su’aal ayaa waxaa caawa dhextaal u ahaa, islamarkaana la guda galay isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Howl-wadag iyo Warta Nabadda,  iyo  waxyaabaha ay caanka ku yihiin oo ay ku cabireen hab suugeed.

Natiijada tartankii quruxda badnaa ee dhexmaray caawa tartamayaasha degmooyinka Howl-wadag iyo Warta Nabadda waxey noqotay sidan:-

Howl-wadaag

Tartamayaasha degmada Howl-wadaag sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal waxaana su’aallihii la weydiiyey ay ka jawaabeen Hal su’aal oo waxa ay qaldeen Lix su’aal, mana jirin wax ka faa’iideysi ah oo ay caawa haleen, waxayna wadarta guud ee dhibcaha tartamayaasha degmada Howl-wadaag ay heleen noqoneysaa 2 dhibcood (Labo dhibcood).

Warta Nabadda

Tartamayaasha degmada Warta Nabadda waxaa iyana dhankooda la weydiiyey Todobo Su’aall,  Su’aallihii la weydiiyey waxay si sax ah uga jawaabeen saddex su’aal  halka ay iska qaldeen Afar su’aal, waxayna si ka faa’iideysi ah u heleen Labo su’aal oo soo hareermartay Tartamayaasha Degmada Howl-wadaag, waxaana wadarta guud ee tartamayaasha degmada Warta Nabadda ka dhigeysaa inay heleen 10 dhibcood (Toban dhibcood).

Hadaba kulankii saddexaad ee tartan Cilmiyeedka bisha barakeysan ee Ramadaan caawa waxaa ku guuleystay tartamayaasha degmada Warta Nabadda ee gobolka Benaadir oo u soo gudubtay wareegga labaad ee tartanka, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka afaraad ee tartan Cilmiyeedka bisha Ramadaan ee Warbaahinta Qaranka waxaa ku tartamaya degmooyinka Boondheere Vs Garbahaareey oo ka kala tirsan Gobollada Banaadir iyo Gedo.

Halkan ka dhageyso Qeybta Koowaad ee Tartanka

Halkan ka dhageyso Qeybta Labaad ee Tartanka 

Did you like this? Share it:

3 COMMENTS

  1. Asc Waxaan ka mid ah qurba joogta ku nool qurbaha waxaan aad u jeclhay in aan kororsado aqoonta waxaan jeclhay in aad dawo tartaka oo live ah waxaan u baahnaa waqtiga saxda oo tartanka live uga baxo TV National Tv saacada geeska afrika mahadsanidiin

LEAVE A REPLY

Please enter your comment!
Please enter your name here