Tartamayaasha degmada Xamar Jajab oo tartanka caawa laga reebay “SAWIRRO+DHAGEYSO”

2758

Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, uuna taaba gelineyo sanadkii saddexaad oo is xiga Maamulka Gobolka Benaadir ayaa waxaa caawa tartan aad u xiiso badan ku dhexmaray degmooyinka Xamar Jajab Vs Boondheere oo ka wada tirsan Gobolka Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.

Sida uu xeerka tartanka qabo marka degmo walibo la weydiiyo min afar su’aal waxaa caawa dhextaal u ahaa isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Xamar Jajab iyo Boondheere  iyo waxyaabaha ay caanka ku yihiin.

Natiijada tartankii dhexmaray caawa tartamayaasha degmooyinka Xamar Jajab iyo Boondheere waxey noqotay sidan:-

Xamar Jajab

Tartamayaasha Degmada Xamar Jajab sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Hal su’aal oo waxa ay iska qaldeen 6 su’aal,  mana jirin wax ka faa’iideysi ah oo ay heleen tartamayaasha degmada Xamar Jajab, waxayna wadarta guud ee dhibcaha tartamayaasha degmada Xamar Jajab ay heleen noqoneysaa 2 dhibcood (Labo dhibcood).

Boondheere

Tartamayaasha Degmada Boondheere waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen Afar su’aal,  halka ay iska qaldeen Saddex u’aal, waxa ay si ka faa’iideysi ah u heleen Hal su’aal oo soo hareer martay tartamayaasha degmada Xamar Jajab, waxaana wadarta guud ee tartamayaasha degmada Boondheere ka dhigeysaa inay heleen 10 dhibcood (toban dhibcood).

Hadaba kulankii 9aad ee tartan Cilmiyeedka bisha Ramadaan ee Warbaahinta Qaranka caawa waxaa wareega xiga u soo gudbay tartamayaasha degmada Boondheere ee gobolka Banaadir, ayadoo gebagebadii ay labada tartame isugu hambalyeeyeen guushaasi,

Habeen dambe oo ah habeenka 10aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Garbahaareey iyo Deyniile oo ka kala tirsan gobollada Gedo iyo Benaadir.

Halkan ka dhageyso 

 

 

DSC05221 DSC05228 DSC05231 DSC05232 DSC05234 DSC05235 DSC05237 DSC05239 DSC05242 DSC05244 DSC05245 DSC05246 DSC05247 DSC05248 DSC05249 DSC05250 DSC05251 DSC05254 DSC05256 DSC05260 DSC05263 DSC05264 DSC05265 DSC05266 DSC05267 DSC05268 DSC05270 DSC05275 DSC05278

Sawir Qaade:- Farxaan Suleymaan Daahir 

Did you like this? Share it:

LEAVE A REPLY

Please enter your comment!
Please enter your name here