Tartamayaasha degmada Xamar weyne oo caawa u soo gudbay wareega saddexaad ee tartanka “Dhageyso”

0
1493

Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan oo ka tirsan wareegga labaad ee tartanka ku dhexmaray degmooyinka Xudur iyo Xamar weyne oo ka kala tirsan Gobollada Bakool iyo banaadir, iyadoo labada dhinac ay muujiyeen dadaal iyo anshax wanaag inta uu tartanku socday.

Natiijada tartankii dhexmaray caawa tartamayaasha degmooyinka Xudur iyo Xamar weyne waxey noqotay sidan:-

Xudur

Tartamayaasha Degmada Xudur sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Hal su’aal oo waxa ay iska qaldeen Lix su’aal, mana jirin wax ka faa’iideysi ah oo ay heleen, waxayna wadarta guud ee dhibcaha tartamayaasha degmada Xudur ay heleen noqoneysaa 2 dhibcood (Labo dhibcood).

Xamar weyne

Tartamayaasha Degmada Xamar weyne waxaa iyana dhankooda la weydiiyey Todobo Su’aal,  su’aallihii la weydiiyey waxay si sax ah uga jawaabeen Labo su’aal,  halka ay iska qaldeen Shan su’aal, waxaana ay si ka faa’iideysi ah u heleen labo su’aal oo soo hareer martay tartamayaasha degmada Xudur, waxaana wadarta guud ee tartamayaasha degmada Xamar weyne ka dhigeysaa inay heleen 8 dhibcood (Sideed dhibcood).

Hadaba kulankii 17aad ee tartan Cilmiyeedka bisha Ramadaan ee Warbaahinta Qaranka caawa waxaa wareega saddexaad u soo gudbay tartamayaasha degmada Xamarweyne ee gobolka Banaadir, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka 18aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Yaaqshiid iyo Hodan oo ka wada tirsan gobolka Banaadir.

Halkan ka dhageyso

Qeybta Koowaad ee Tartanka

Qeybta Labaad ee Tartanka

 

Did you like this? Share it:

LEAVE A REPLY

Please enter your comment!
Please enter your name here