Tartamayaashii ka qeyb galay tartan aqooneedkii ay Warfaafinta qabatay oo la abaal mariyay “SAWIRRO”

Munaasabad lagu soo gabo gabeynayay tartan cilmiyeedkii bisha barakeysan ee Ramadaan oo ay ka qeyb galeen mas’uuliyiin ka tirsan Wasaaradda Warfaafinta, xubno ka socday maamulka Gobolka Banaadir, wakiilo ka kala socday tartamayaashii kaalimaha 1aad, 2aad iyo 3aad galay iyo marti sharaf kale ayaa maanta lagu qabtay xarunta Wasaaradda Warfaafinta.

Sakariye Maxamed Axmed oo ku hadlayay magaca tartamayaashii ka qeyb galay tartan aqooneedkii ay iska kaashadeen Wasaaradda Warfaafinta iyo maamulka Gobolka, oo laga baahiyay Radio Muqdisho iyo Telefeshinka Qaranka ayaa sheega in Wasaaradda Warfaafinta uu uga mahadcelinayo sida ay u tartansiisay arday Soomaaliyeed oo matalayay 32 degmo oo ka tirsan degmooyinka gobollada dalkeena.

Guddoomiyaha degmada Yaaqshiid Cismaan Maxamuud Cadaawe oo ka hadlay goobta ayaa ugu horeyn mahadcelin u jeediyay tartamayaasha degmada Yaaqshiid ee ku guuleystay tartankii bishii Ramadaan ee ay Wasaaraddu qabatay, waxaana uu bogaadiyay in tartanka la dhiiri geliyo.

Agaasimaha Radio Muqdisho Cabdirixiin Ciise Caddow oo goobta hadal kooban ka jeediyay xafladda ayaa sheegay in u jeedka Wasaaradda ay ka lahayd tartanka ay tahay sidii aqoon loo kala faa’iidi lahaa, isagoo guddigii ka shaqeeyay tartanka uga mahadceliyay taabo gelinta tartanka inta uu socday.

Agaasimaha Telefeshinka Qaranka Mudane Cabdiraxmaan Yuusuf Sheekh Al-cadaala ayaa sheegay in maamulka gobolka ay uga mahadcelinayaan taabo gelinta tartanka, waxaana uu tartamayaashii ka qeyb galay ku bogaadiyay sida ay uga faa’iideysteen aqoontiii lagu tartamayay, ayna qorsheynayaan in cilmigii laga faa’iideeyay lagu soo daabici doono buugaag.

Ku-simaha Guddoomiyaha gobolka Banaadir ahna Guddoomiye ku-xigeenka maamulka gobolka ee dhanka siyaasadda Maxamed Axmed Diiriye ayaa sheegay inay tahay wax lagu farxo in arday Soomaaliyeed ay ku tartamaan aqoon, isagoo intaa ku daray in hadafkii laga lahaa tartanka ay wax badan ka hirgaleen.

Agaasimaha Guud ee Wasaaradda Warfaafinta, dhaqanka iyo dalxiiska Mudane Cabdirisaaq Cali Yuusuf Bahlaawi ayaa sheegay in Wasaaraddu ay joogteyn doono tartan aqooneedka lagu kobcinayo garaadka bulshada Soomaaliyeed, isagoo cudur daar ka bixiyay waqtiga la qabtay xafladda, maadaama uu Maamulka Wasaaradda qorsheeyay in kal hore la qabto xafladdan.

Ugu dambeyn ku-simaha Wasiirka ahna Wasiiru-dowlaha Wasaaradda Warfaafinta, dhaqanka iyo dalxiiska ee Xukuumadda Soomaaliya Mudane Maxamuud Cabdi Xasan Bekos ayaa ugu horeyn hambalyo u diray dhamaan intii ka qeyb gashay tartanka, isagoo si gaar ah u mahadceliyay kuwii galay kaalimaha koowaad, labaad iyo saddexaad ee tartankii

Gabo gabadii tartamayaasha degmada Yaaqshiid waxaa la guddoonsiiyay 2,000 (labo kun) oo doolar, halka tartamayaasha degmada Baydhabo la siiyay 1,500 (kun iyo shan boqol) waxaana tartamayaasha degmada Jawiil oo kaalinta saddexaad galay la guddoonsiiyay 1,000 (kun doolar), sidoo kale talefeshinka Qaranka ayaa la guddoonsiiyay camera video oo loogu talagalay in loogu adeego bulshada.

DSC06036 DSC06037 DSC06038 DSC06040 DSC06041 DSC06042 DSC06043 DSC06044 DSC06045 DSC06049 DSC06053 DSC06054 DSC06055 DSC06062 DSC06064 DSC06066 DSC06070 DSC06078 DSC06079 DSC06082 DSC06089 DSC06093 DSC06100 DSC06109 DSC06114 DSC06117 DSC06035 DSC06036 DSC06151 DSC06122 DSC06125 DSC06127 DSC06130 DSC06149

 

Sawir Qaade:- Farxaan Suleymaan Daahir