Tartan kubadda cagta ah oo lagu soo gabo gabeeyay Dhuusamareeb “SAWIRRO”

Xiiso iyo xamaasad gaar ah ayuu kusoo idlaadey horyaalka xaafadaha Magaalada Dhuusamareeb ee shaqada sanadian ay ku tartameen naadiyada shanta xaafadood ee Caasimadda , oo ugu dambeyn kulanka dhamaadka tartanka ay isla soo gaareen Ciyaaryahanada Xaafadaha Dayax iyo Waaberi.

Kulanka xiritaanka oo ay ka qayb galeen Mas’uuliyiinta sare ee Galmudug sida Madaxweyne ku-xigeenka Dowlad Goboleedka, Saraakiisha Ciidamada iyo Madaxda Maamulka Dhuusamareeb ayaa abaalmarino goobta lagu gudoonsiiyey ciyaartooyda xaafada Dayax oo hal gool iyo waxba kaga adkaatey 1-0 dhigooda Waabari oo ay kulankan kama dambeysta ah isla soo gaareen.

Maxamed Nuur Maxamed, Guddoomiyaha Ururka Isboortiga Dhuusamareeb ayaa kooxaha tartankan ka qayb galey kaga mahadceliyay kaalintooda.

Dr. Mahad Cabdulaahi Nuur, madaxii hore ee hoggaamka Caafimaadka Ciidanka Xoogga dalka oo ka mid ahaa Mas’uuliyiiinta ka qayb gashey munaasabadda ayaa Dhallinyarada Cayaaraha ku amaaney sida ay u abaabuleen Dhallinyarada jecel Kubbada Cagta, una dhiiri-galinayaan nabada.

Taliyaha Saldhigga Booliiska Magaalada Dhuusamareeb, Gaashaanle Maxamed Xassan Sanjeex oo ka waramey dadaalka ciidanka amnigu ku bixiyeen ciyaarahan soo idlaadey ee xaafadaha Dhuusamareeb ayaa rajeeyay in tartamada nuucaan ah ay qayb ka qaataan is dhexgalka bulshada iyo nabadgalyada deegaanka.

Ugu dambeyn gunaanadka munaasabadda ayaa dhamaan ciyaartooyda guushu raacdey ee dayax lagu gudoonsiiyey abaalmarino uu qaarkood u xiray ciyaaryahanada Madaxwayne Kuxigeenka Galmudug mudane Cali Daahir Ciid, kuna booriyay inay joogteeyaan cayaaraha nuucaani oo kale ah oo ku saabsan isdhexgalka bulshada.

 

LEAVE A REPLY

Please enter your comment!
Please enter your name here