Tartan kubadda kolleyga ah oo ku saabsan soo nooleynta dhaqanka oo la qabtay “SAWIRRO”

Tartan kubadda kolleyga ah oo qeybh ka ah soo nooleynta dhaqanka ayaa maanta lagu qabtay degmada Howlwadaag ee gobolka Banaadir, kaasi oo ay ka qeyb galeen Mas’uuliyiin ka tirsan Wasaaradda Warfaafinta iyo xubno kale oo ka socday xiriirka kubadda kolleyga, waxaana tartanka soo qaban qaabisay Wasaaradda Warfaafinta, dhaqanka iyo dalxiiska.

Tartanka oo dhexmaray gabdho ku cayaarayay magacyada Jubba iyo Shabeelle ayaa intii u soo daawasho tegtay waxa ay aad ula dhaceen qaab ciyaareedka wanaagsan oo ay soo bandhigeen labada dhinac, waxaana guud ahaan ay cayaarto ku idlaatay Jubba oo la timid 52 iyo gabadhaha ku cayaarayay magaca Shabeelle oo helay 44, iyadoo ay guusha raacday Jubba.

Guddoomiyaha xiriirka Soomaaliyeed ee kubadda Kolleyga Cabdullaahi Maxmed Nuur Cadaani oo ka hadlay goobta ayaa sheegay in tartamada nuucaani oo kale ah uu yahay mid lagu soo nooleynayo dhaqanka, ayna uga mahadcelinayaan Wasaaradda Warfaafinta oo barnaamijkan soo diyaarisay.

Agaasimaha Wakaaladda Wararka Qaranka Soomaaliyeed ee SONNA Axmed Faarax Maxmaed Gaatamow oo ugu dambeyntii gooba hadal kooban ka jeediyay ayaa koob guddoonsiiyay gabdhaha kubadda kolleyga ee Jubba ee ku guuleystay koobka lagu weyneynayay soo nooleynta dhaqanka, waxaana uu intaa ku daray in Wasaaradda Warfaafinta, dhaqanka iyo dalxiiska ay ka go’antahay xoojinta dhaqanka.

Tartamada nuucaani oo kale ay ee ay Wasaaradda Warfaafinta ku qabaneyso degmooyinka gobolka iyo qaar ka mid ah gobollada dalka ayaa ah mid lagu soo nooleynayo dhaqanka.

DSC03459 DSC03461 DSC03463 DSC03464 DSC03466 DSC03467  DSC03470 DSC03473 DSC03474 DSC03476 DSC03482 DSC03486 DSC03489 DSC03490 DSC03494  DSC03502 DSC03505 DSC03506 DSC03508 DSC03518 DSC03521 DSC03522 DSC03523 DSC03525 DSC03529 DSC03530 DSC03531 DSC03532 DSC03533 DSC03534 DSC03535

 

Sawir Qaade:- Cabdullaahi Muxidiin Codka

 

LEAVE A REPLY

Please enter your comment!
Please enter your name here