Tartan Qur’aan Akhris ah oo lagu soo gabo gabeeyay Nairobi “SAWIRRO”

0
1756

Munaasabadani oo ahayd mid lagu abaal marinayay arday da’ yar ah oo ku guuleysatayTartan qur’aanka kariimka ah oo la qabtay horaantii bisha barakeysan ee Ramadan ayaa waxaa ka soo qeyb galay culimaa’udiin uu ka mid ahaa Shiikh Maxamed Cabdi Umal,imaamyada masaajidda magaalada Nairobi,macaliminta dugsiyada quranka iyo dadweyne aad u fara badan.

Tartankani Aqrinta quranka karimka ee bisha Ramadan oo ay ku tartamayeen arday ka kala socotay dugsiyada quranka ee dalkani Kenya,islamarkaana ay soo qaban qaabisay dalladda dugsiyada quranka ee kenya ayaa waxaa abaalmarinno kala duwan lagu gudoonsiiyay Ardaydii gashay kaalmaha hore,iyadoo Ardaydii gashay kaalinta 1-aad ee qur’anka oo dhan la gudoonsiiyay lacag gaareysa 60,000 oo ah lacagta dalkani Kenya iyo hadiyado kale.

Gudoomiyaha dalladda dugsiyada Qur’anka ee kenya Cismaan Maxamed Ismaaciil ayaa waxa uu ka warbixiyay Tartanka Aqrinta qur;anka kariimka iyo Abaaalmarinadii ay gudoonsiiyeen Ardaydii kaalmaha hore ka galay tartanka.

“halkani maanta waxan u fadhinaa xafladii lagu soo xirayay oo abaalmarinada lagu gudoonsiinayay ardaydii ka qeyb qaadatay tartarkii qur’anka oo dhacay labo todobaad ka hor taariikhda markay ahayd 8-ilaa 9-kii bishan,wuxuna ahaa tartankii sanadlaha ahaa alle mahadii wuu noo qabsoomay,runtii tirada kasoo qeyb gashayna aad ayey u badnaayeen sanadihii hore wuu ka badnaa sanadkan ilaa 150 arday ayaa kasoo qeyb gashay,sanadihii horana waxay ahaan jireen ilaa 100 arday ,runtii tartan aad u qiimo badan ayuu ahaaa ardaydii kaalinta 1 aad ee qur’aanka oo dhan gashay waxay haleen 60,000 sidii ay isugu xigeen ardayda ilaa kaalinta 3-aad alle mahadii tartankii ay soo qaban qaabisay dallada dugsiyada quranka ee kenya maanta ayan soo gabagabeeynay oo ay soo qaban qaabisay dalada dugsiyada qur’anka ee Kenya maanta ayaan soo gabagabeynay”Ayuu yiri Cismaan Maxamed Ismaaciil.

Shiikh Maxamed Cabdi Umal oo ka mid ah culimaa’udiinka waaweyn ee somasliyeed oo gabagabadii munasabada kalmad dardaaran ah ka jeediyay ayaa waxa uu ku baaqay in la xoojiyo lana sii wado tartamada Aqrinta Qur’anka ee loo qabanayo Ardayda Soomaliyeed.

“Dadaalka la bixiyay mirihiisa way muuqdaan in la sii wadana waa loo baahan yahay,anagana guud ahaan farxad bay inoo tahay in aan aragno caruurteena oo qur’anka baraneysa kuna tartamaysa,bisha Ramadaan meelo badan ayay tartamadani oo kale ay ka socdaan waa bishii qur;anka,ilmiha in la dhiiri geliyana aad ayay muhiim u tahay, kuwii qur’anka bartayna in ay sii hayaan kuwa kalana ay ku daydaan”Ayuu yiri Shiikh Maxamed Cabdi Umal.

“Quranka xifdintiisa waan ku fiicanahay hadan nahay soomaalida laakiin aan ku darno qur’anka macnihiisa oo aan barano, in aan xifidno oo aan macnihiisa umi ka nahay waa ceeb marka waa meel banan oo u baahanahay in la buuxiyo”Ayuu yiri sii raaciyay Shiikh Umal.

Magaalada Nairobi ayaa sanad kasta waxaa bisha barakeysan ee Ramadaan lagu qabtaa tartamo lagu weyneynayo xifdinta qur’aanka kariimka.

 

1 2 3 10 11 12 13 4 5 6 7 8 9

Did you like this? Share it:

LEAVE A REPLY

Please enter your comment!
Please enter your name here