Tartanka Ciyaaraha Fudud oo lagu qabtay Muqdisho “SAWIRRO”

Tartankan Oradka Gaaban ee (Marathon) oo lagu xusayay maalinta horumarinta Ciyaaraha iyo Nabadda Adduunka iyo maalinta Ciyaartooday Soomaalliyeed ayaa maanta lagu qabtay magaalada Muqdisho.

 

Waxaa soo qaban qaabiyay Tartankaan Wasaaradda Dhallanyarada iyo ciyaaraha Soomaaliya, iyadoo uu martigeliyay maamulka Gobolka Banaadir.

Tartankan ayaa waxaa ka qeybgalay Ciyaartooy laga soo kala xulay 17 degmo ee Gobolka Banaadir oo isugu jira wiilal iyo gabdho, kuwaasi oo soo bandhigay tartan cajiib ah, waxaana furitaanka goob joog ka ahaa Guddoomiyaha Gobolka Banaadir Mudane Eng. Cabdiraxmaan Cumar Cusmaan Yariisow iyo Wasiirka Dhallinyarada iyo Ciyaaraha Xukuumadda Soomaaliya Marwo Khadiijo Maxmed Diiriye.

Kaalinta koowaad waxaa galay Cabdinuur Maxamed Garaad oo ka socday wiilasha Degmada Kaaraan, halka kaalinta labaadna ay gashey Ikraan Maxamed Xuseen oo ka socotay gabdhaha Degmada Boondheere.

Wasiirka Ciyaaraha iyo Dhallinyarada ee Xukuumadda Soomaaliya Khadiijo Maxamed Diiriye iyo Guddoomiyaha Gobolka Banaadir ahna Duqa Muqdisho oo ay wehliyaan mas’uuliyiinta Olombikada iyo Ciyaaraha ayaa dhiirogeliyay dhamaan dhallinyaradii ka qeyb qaadatay.

Tartanka oo sanadkiiba 6-da April mar la qabto ayaa Soomaaliya lagu qabanaya sanadkii 2-aad tan iyo markii ay burburtay dowladii Dhexe ee Soomaaliya, waxaana maanta taariikhdu ay ku beegantaahy 5-ta April loo qabtay si loo soo hormariyo, maadaama ay beri tahay maalin shaqo.

LEAVE A REPLY

Please enter your comment!
Please enter your name here