Tirada dhimashada qaraxii shalay ka dhacay Gololey oo korortay

Waxaa korortay, tirada dhimashada ee uu sababay qaraxii shalay ka dhacay degaanka Gololey ee gobolka Shabeelaha dhexe, sida ay sheegeen saraakiish caafimaadka magaalada Jowhar.

Wariye Cabdiraxmaan Wadani oo Jowhar ku sugan ayaa soo sheegaya in tirada ay gaartay iminka ilaa 20 ruux oo kamid ah dadkii shacabka ahaa ee shalay gaari ay saarneeyeen miino ku haleeshay waddada isku xirta Muqdisho iyo Jowhar.

Wararka saaka ka imaanaya Jowhar ayaa sheegaya in si weyn looga dareemayo dhibaatadii ka dhalatay qaraxii shalay oo ay ku la’deen shacabka musaafurka ahaa.

Waxaa la soo sheegayaa in dadka u dhintay dhaawacyadii soo gaaray ay waayeen daryeel caafimaad oo deg deg ah isla markaana intii waddada ku jireen oo isbitaalka loo waday aad u dhiig baxeen.

Maleeshiyaadka Alshabaab ayaa waddooyinka muhiimka ah oo ay kamid tahay tan xiriirisa Jowhar iyo Muqdisho waxay ku aasaan miinooyin kuwaas oo ku waxyeeloobaan dad badan oo Soomaaliyeed.

LEAVE A REPLY

Please enter your comment!
Please enter your name here