Tiro dad ah oo loo qabtay qaraxii maanta ka dhacay Kismaayo

Qaraxan ismiidaaminta ah oo ka dhacay xaruunta Jaamacadii hore ee Kismaayo haatana ah xero lagu tababarayo ciidamada isku dhafka ah  ayaa ku geeriyootey 13 ruux, aydoo ay ku dhaawacmeen dad lagu qayasayo ku dhawaad 30 qof sida ay xaqiijiyeen saraakiisha ciidamada.

Falkani  qaraxa naftii halignimada ah ayaa loo adeegsaday gaari noociisu ahaa (Nooh) oo uu watay shaqsiga isqarxiyay, kaasi oo gudaha u galay xerada, iyadoo halkaasi uu ku qarxay, saraakiil ka tirsan ciidamada isku-dhafka ee ciidanka ayaa sheegay in ay gacanta ku dhigeen ragii la socday shaqsiga isqarxiyay, isla mar ahaantaana baaritaano lagu hayo.

Col. Axmed Caato oo ah kuxigeenka taliyaha ciidanka iskudhafka ah ayaa faah faahiyaay sida ay wax u dheceen iyo baaritaanada socda.

“Saake markey ahayd sideedii subaxnimo ayaa cadowgii UGUS, uusoo weeraray xeradii ciidanka isku dhafka ah dugsigii Kismaayo qasaare wey jirtaa dhimasho iyo dhaawac, dib ayaana kasoo sheegi doonaa, waana la caabiyay, iyagoo ma aragtay isku dayeen in ay qarax labaad iyo howlo kaleba ay fuliyaan, illaah baa mahadleh dhimasho iyo dhaawacba wey jiraan laakiin natiijada dib baan kasoo sheegi doonaa, gaariga isqarxiyay Nooho oo cad ayu ahaa gaari ismiidaamin ayuu ahaa oo magaalada ka yimid, gaariga aniga lafteeyda waan dabasocday magaaladuu ka yimid albaabkii hore ee laga soo gali jiray kamuunan soo gelin wado jidcade ahoo Jaamaca qarkeeda ayuu kasoo leexday Jaamacadaan gali rabay aniga waan arkayay gaariga leexanayo, markii uu gaariga leexday oo an Jaamacada albaabkeeda aan taaganahayna qaraxa ayaan amqlay markaan kusoo noqonayna, waxaan aragnay qasaaraha uu geestay wixii kale ee daba socdayna waa la qabtay ee mucaamalaad iyo ragii ka dambeeyoo dhan waan heeynaa hada baarisbaana ku socota”ayuu

Marka laga soo tago falalka naf lacaariga ah oo ay mararka qaar geysteen koxda UGUS, waxaa marqaati ma doonto ah in looga itaal roonaaday gulufka militeriga oo ka socda gobolada dalka Soomaaliya, Shabaab ayaa lumiyay dhul badan, waxaana u dambeyeey degmooyinka Diinsoor, iyo Baardheere oo ka kala tirsan gobolada Baay iyo Gedo, kuwaasi oo istaaratiijiyada u lahaa falaagaga Shabaab.

Aadan Maxamed Salaad

 

 

LEAVE A REPLY

Please enter your comment!
Please enter your name here