Todobaadka  Dhir-beerista  Qaranka Soomaaliyeed  oo bilaabatay “SAWIRRO”

2303

Madaxweynaha Jamhuuriyadda Soomaaliya Mudane Xasan Sheekh Maxamuud iyo Xubno ka tirsan labada gole ee dowladda ayaa ka qayb galay isu soo bax uu soo qaban qaabiyay Guddi Qaran oo Dowladda Soomaaliya u xilsaartay diyaarinta Munaasabadaha Todobaadka Dhir-beerista Qaranka Soomaaliyeed  oo ku beegan 17-ka April ayaa lagu qabtay Muqdisho, iyadoo sidoo kale ay ka qayb galeen Ardayda Iskuulada, Ururada Haweenka, Kooxaha Barbaarta Gaashaaman iyo Baambeyda Booliska  ayaa waxaa ujeedkiisu ahaa furitaanka Todobaadka Dhirbeerista Qaranka

Isu soo baxa oo ka dhacay Taalada Daljirka Dahsoon ee degmada Boondheere ayaa Madaxweynaha Jamhuuriyadda waxa uu talaalay geedkii ugu horeeyay ee Wasaaradda Xanaanada Xoolaha, Dhirta iyo Daaqa ugu talagashay in lagu beero magaalada Caasimada ah iyo Gobolada dalka ee lagu qaban doono Munaasabo waaweyn.

Wasiir ku-xigeenka Wasaaradda Xanaanada Xoolaha, Dhirta iyo Daaqa ee Xukuumadda Soomaaliya ahna Guddoomiyaha Guddiga heerka Qaran ee loo xilsaaray qaban qaabada Munaasabadahaas Mudane Cabdinaasir Gaarane Maxamed ayaa waxaa uu ka hadlay muhiimada dhirtu u leeedahay bulshada Soomaaliyeed, isagoo ku baaqay in bulshada ay u istaagto beerista dhirta.

Wasiirka Wasaaradda Beeraha Xukuumadda Soomaaliya Mudane Axmed Xasan Gaboobe Ugaas Bile ayaa waxaa uu wax lagu farxo ku tilmaamay in la gaaray waqti dowladda iyo shacabka Soomaaliyeed ay isla gartaan Muhiimada dhirtu leedahay, isla markaana dib loo beerayo Dhir fara badan.

Madaxweynaha Jamhuuriyadda Soomaaliya Mudane Xasan Sheekh Maxamuud ayaa waxaa uu ka hadlay muhiimada dhirtu u leedahay noole kasta, waxaana uu ugu baaqay Bulshada Soomaaliyeed meeelkasta oo ay joogaan in qof kastaa geed beero, taas oo qayb ka qaadan karta dib u nooleynta Qaranka.

‘’Dhirtu waxay muhiim u tahay nolosha aadamiga, xoolaha iyo in degaanka la dhowro, dowladdu waxa ay waddaa barnaamij ballaaran oo degaanka wax looga qabanayo, kaas oo aan ka duwaneyn barnaamijyada dib u dhiska dalka’’, ayuu yiri Madaxweynaha.

Madaxweynaha ayaa waxa uu sheegay in Dowladda Federaalka uu qorshe uga dagsan yahay sidii bii’ada dib loogu soo dhisi lahaa, iyadoo la kaashaneysa bulshada Soomaaliyeed iyo beesha Caalamka.

IMG_7563  IMG_7565  IMG_7574 IMG_7575 IMG_7576 IMG_7577 IMG_7578 IMG_7581  IMG_7583 IMG_7584 IMG_7585     IMG_7604 IMG_7605 IMG_7607 IMG_7619 IMG_7624  IMG_7634  IMG_7637  IMG_7643 IMG_7651 IMG_7653 IMG_7655  IMG_7683 IMG_7684 IMG_7686 IMG_7687 IMG_7688 IMG_7689 IMG_7692 IMG_7693

Sawir Qaade:- Khadar Cali Nuur

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

;

Did you like this? Share it:

LEAVE A REPLY

Please enter your comment!
Please enter your name here