Todobaadka Dib-u Noolaynta Dhaqanka iyo Farshaxanka oo si rasmi ah uga furamay Kismaayo “SAWIRRO”

Waxaa magaalada Kismaayo si rasmi ah uga furmay dabaal dag dhaqan iyo farshaxan oo soconaya mudo todobaad ah. Ololahan ku wajahan dib-u soo noolaynta dhaqanka iyo farshaxanka ayaa waxaa iska kaashaday Wasaaradda Warfaafinta, Isgaarsiinta iyo Gaadiidka ee Maamulka Jubaland iyo Xafiiska Duqa magaalada Kismaayo.

Wasiirka Warfaafinta Jubaland mudane Cabdinur Cali Aadan ayaa si rasmi ah u furay maalintii ugu horeysay bandhig faneed iyo cayaaro isboorti oo lagu soo bandhigay xarunta cayaaraha ee xaafadda Calanley, Degmada Kismayo, waxaana uu halkaas kula` hadlay ka soo qeyb galayaal badan oo ka kala yimid xaafadaha kala duwan ee degmada Kismaayo.

“Dhaqankeenu waa dhaxal ma guuraan ah, waana muhiim in laxuso. Waa fursad qaali ah oo dhisaysa is-dhex galka iyo midnimada dadka deegaanka ayna ku soo bandhigayaan dhaqankooda qurxoon. Xuskan oo kale in mudaa kama dhicin degmadaan, bulshada Kismaayana aad ayay ugu baahan tahay in ay dhaqankeeda iyo is dhexgalkeeda xoojiso”. Ayuu yiri Wasiir Cabdinur Cali Aadan oo munaasabadda furay.

Mudane Cabdinur Cali Aadan ayaa intaa ku daray in barnaamijkani yahayn damaashaad iyo xus soconaya mudo todobaad ah oo loogu talo galay in bib loogu soo nooleeyo, laguna soo bandhigo hidhii qurxoonaa ee Ummadda, dhaqankii sareeyay ee magaalada Kismaayo iyo xirfadii farshaxan ee dhalinyarada deegaanka.

Todobaadka Hidaha, Dhaqanka & Farshaxanka ee Kismaayo waxuu si rasmi ah u bilowday 7da Feebaraayo waxaana uu soconayaa illa laga gaaro -11ka  Feebaraayo. Waxuuna ka dhici doonaa dhowr xarumood oo ay ay kamid yihiin Xaruunta shirarka ee Hooyooyinka iyo Xarunta Shirarka ee Daawaad ee ka soo horjeeda dhismihii hore ee Caymiska. “Ha u-daymo la’aan, hal-abuurka Kismaayo”.

 

IMG_2017 IMG_2023 IMG_2030 IMG_2052 IMG_2054 IMG_2068 IMG_2104 IMG_2107 IMG_2112 IMG_2127 IMG_2148 IMG_2155 IMG_2164 IMG_2171

LEAVE A REPLY

Please enter your comment!
Please enter your name here