Todobaadka Xoriyadda Soomaaliya oo si weyn looga xusay Mareykanka “SAWIRRO”

642

Munaasabad ballaaran oo lagu xusayey Maalinta ay Koonfurta Soomaaliya xornimada ka qaateen gumeystihii Ingiriiska ayna midoobeen gobolada Waqooyi iyo Koonfur ayaa si weyn looga xusay qeybo ka mid ah wadamada caalamka oo ay ku nool yihiin Soomaali badan, gaar ahaan magaalada Minneapolis Gobolka Minnesota ee Dalka Mareykana.

Xafladdan oo aheyd mid si weyn loo soo agaasimey ayaa waxaa ka soo qeybgaley kummaanaan qof oo ku lebisnaa dhar lagu xardhay Astaanta Calanka Jamhuuriyadda Soomaaliya, waxaana lagu qabtay munaasabadaasi magaalada Minneapolis ee gobolka Minnesota, taasi oo uu soo qaban qaabiyay urur la yiraadho (Kajoog) oo ka shaqeeya horumarinta Soomaalida Gobolkaasi ku nool.

Dhammaan dadkii Khudbadaha ka soo jeediyey Xafladda ayaa muujiyey in midnimada Soomaaliyeed ay tahay Midda kaliya ee horumar lagu gaari karo, loona baahan yahay in Ummadda Soomaaliyeed ay u midowdo Cadowga Soomaaliyeed ee halista ku ah Midnimadooda.

Dhamaan wadamada ay kunool yihiin bulshooyinka Soomaaliyeed ayaa laga xusay todobaadka Xoriyadda Soomaaliya, taasi oo ku dareensiinaysaa in dadka Soomaaliyeed meelkasta oo ay dunidu ka joogaan ay yihiin kuwo jecel horumarka, midnimada iyo wadaniyadda.

Did you like this? Share it:

LEAVE A REPLY

Please enter your comment!
Please enter your name here