Tottenham oo Xasuuqday Kooxda Chelsea oo Hogamineysay Horyaalka

0
963

Kooxda Tottenham ayaa garoonkeeda White Hart Line 5-3 uga badisay kooxda Chelsea oo hogaamineysay horyaalka ingiriiska.

Kooxda Chelsea ayaa goolka la hor martay,waxaana daqiiqqadii 18-aad ee ciyaarta u dhaliyay ciyaaryahan Diego Costa.

Ciyaaryahan Costa ayaa dhaliyay goolkiisii 14-aad ee horyaalka ingiriiska ee Premier League-ga.

Kooxda Tottenham ayaa isla qeybtii hore ee ciyaarta ku jawaabtay sedax gool oo deg deg ah.

Ciyaaryahan Harry Kane 30-aad ee ciyaarta gool barbardhac ah u dhaliyay kooxda Tottenham.

Ciyaaryahan Danny Rose ayaa daqiiqadii 44-aad ee ciyaarta goolka labaad u dhaliyay kooxda Tottenham.

Ciyaaryahan Andros Townsend ayaa dhamaadkii qeybtii hore ee ciyaarta goolka sedaxaad oo rigoore ahaa u dhaliyay kooxda Tottenham,sidasi ayaana lagu kala nastay qeybtii hore ee ciyaarta.

Ciyaaryahan Eden Hazard ayaa daqiiqadii 61-aad ee ciyaarta gool labaad u dhaliyay kooxda Chelsea.

Ciyaaryahan Nacer Chadli ayaa daqiiqadii 78-aad goolka shanaad u dhaliyay kooxda Tottenham.

Ciyaaryahan John Terry ayaa dhamaadkii ciyaarta goolka sedaxaad u dhaliyay kooxda Chelsea.

Kooxda Chelsea ayaa oo hogaanka horyaalka ingiriiska ee Premier League-ga ayaa waxa ay hada isku dhibco yihiin kooxda Manchester City oo caawo 3-2 uga badisay kooxda Sunderland.

Kooxaha Manchester City iyo Chelsea ayaa leh min 46-dhibcood ku haya hogaanka horyaalka.

Kooxda Tottenham ayaa kaal horeynta horyaalka ingiriiska uga jirto kaalinta shanaad,waxana ay leedahay 34-dhibcood.

Did you like this? Share it: