Trump oo saxiixay sharci lagu taageerayo dibad baxyaasha Hong Kong

Madaxwaynaha Mareykanka Donald Trump ayaa saxiixay sharci lagu taageerayo kooxaha dimoqoraadi doonka ee dibad baxyada ka wado Ismaamulka Hong Kong.

Trump ayaa sheegay in heshiiskan uu saxiixay isagoo xushmad u hayo Madaxwaynaha Shiinaha iyo dadka reer Hong Kong.

Wasaaradda Arrimaha dibada ee Shiinaha ayaa Mareykanaka ku eedeesay in uu sii hurinayo xiisaddam ka dhaxeysa labada dal

Mr Trump waqti xaadirkan waxaa uu raadinayay sidii uu heshiis ula gaari lahaa Shiinaha, si loosoo afjaro dagaalka dhanka ganacsiga ah ee u dhaxeeyo labada wadan.

Xukuumada Hong Kong ayaa dhankeeda sharcigaan ku tilmaamtay in calaamad qaldan uu muujinayo balse uusan wax katari dooni xaaladda ka taagan Hong Kong.

Mid kamid ah hogaamiyaasha dibad baxyadana ayaa dhankiisa ku tilmaamay sharcigaan in uu yahay mid guul wayn u ah dadka reer Hong Kong.

LEAVE A REPLY

Please enter your comment!
Please enter your name here